ظہیرخان نے اپنے ٹاپ 5بولرز بتادیے

نئی دہلی /سابق فاسٹ بولر ظہیر خان نے اپنے ٹاپ 5 ون ڈے بولرز کا انتخاب کیا ہے۔اپنے ٹاپ 5 ون ڈے بولرز کی فہرست میں ظہیر خان نے وسیم اکرم، گلین میک گراتھ، وقار یونس، چمندا واس اور ڈیل اسٹین کے ناموں کا ذکر کیا۔ایک پروگرام میں گفتگو کرتے ہوئے ظہیر خان نے کہا میرے ارد گرد بہت سے بین الاقوامی گیند باز رہے ہیں جو واقعی اچھا اثر ڈالتے تھے، واضح طور پر وسیم اکرم ان ناموں میں سے ایک ہے جو اس فارمیٹ کے بادشاہ تھے اور کیا زبردست یارکر پھینکتے تھے، ون ڈے کے وہ ایک عظیم گیند باز رہے ہیں۔