ضلع ڈوڈہ میں غیر متعدی بیماریوں کی سکریننگ مہم شروع

ڈوڈہ//مرکزی وزارت صحت کی قومی سطح کی پہل کے مطابق، غیر متعدی امراض کی سکریننگ کے لیے ضلع بھر میں مہم شروع کی گئی۔ اس مہم کا مقصد 30 سال یا اس سے زیادہ عمر کے افراد کی 100فیصدسکریننگ کو حاصل کرنا ہے جو کہ غیر متعدی امراض بشمول ذیابیطس، ہائی بلڈ پریشر، اور تین عام کینسر- منہ، چھاتی اور سروائیکل میں مبتلا ہیں۔مشن ڈائریکٹر این ایچ ایم ناظم زئی خان، ڈائریکٹر ہیلتھ سروسز جموں ڈاکٹر راکیش مگوترا کی نگرانی میں چلائی جا رہی یہ مہم 31مارچ 2025 تک جاری رہے گی۔بلاک کی سطح پر، تمام صحت کی دیکھ بھال کی سہولیات پر اسکریننگ کیمپس بلاک میڈیکل آفیسر کی نگرانی میں منعقد کیے جا رہے ہیں، اس بات کو یقینی بناتے ہوئے کہ صحت کے مسائل والے افراد کو مناسب نگہداشت حاصل ہو۔