عظمیٰ نیوز سروس
جموں// سیکورٹی حکام نے پیر کو کہا کہ اس سال جموں میںملی ٹینٹ حملوں میں 18 سیکورٹی اہلکاروں سمیت 44 افراد ہلاک ہو گئے ہیں، جن میں راجوری اور پونچھ کے 6سرحدی اضلاع شامل ہیں۔اگرچہ راجوری اور پونچھ کے پیر پنچال اضلاع میں گزشتہ برسوں کے مقابلے 2024 میںملی ٹینسی کی سرگرمیوں میں خاطر خواہ کمی دیکھی گئی، لیکن اپریل سے مئی کے بعد ریاسی، ڈوڈہ، کشتواڑ، کٹھوعہ، ادھم پور اور جموں میں ہونے والے واقعات کے سلسلے نے سیکورٹی ایجنسیوں کو پریشان کر رکھا ہے۔حکام نے کہا کہ خطرے کا مقابلہ کرنے اور خطے کے پرامن علاقوں میں ملی ٹینسی پھیلانے کی پاکستان میں مقیم ہینڈلرز کی کوششوں کو ناکام بنانے کے لیے، فوج نے، پولیس اور مرکزی مسلح پولیس فورسز کے ساتھ قریبی ہم آہنگی میں، مسلسل آپریشن شروع کیے ہیں، خاص طور پر گھنے جنگلوں میں۔سرکاری اعداد و شمار کے مطابق، ڈوڈہ، کٹھوعہ اور ریاسی اضلاع میں اس سال9ہلاکتیں ہوئیں، اس کے بعد کشتواڑ (پانچ)، ادھم پور(چار)، جموں اور راجوری (تین)اور پونچھ میں(دو)ہیں۔ہلاک ہونے والوں میں 18 سیکورٹی اہلکار اور 13 ملی ٹینٹ شامل ہیں، حکام نے بتایا کہ ملی ٹینٹوں کے ہاتھوں مارے گئے 14 شہریوں میں سے7 شیو کھوری مندر سے واپس آنے والے یاتری تھے جبکہ تین گائوں کے دفاعی محافظ(وی جی ڈی) تھے۔جس میں مقامی ڈرائیور اور کنڈکٹر کی جان بھی گئی، VDGs کو اودھم پور اور کشتواڑ اضلاع میں گولی مار دی گئی۔حکام نے بتایا کہ اس سال کٹھوعہ میںملی ٹینسی کے واقعات میں7 سیکورٹی اہلکار، ڈوڈہ میں5، کشتواڑ میں 3، پونچھ میں2 اور ادھم پور میں ایک اہلکار اپنی جان سے ہاتھ دھو بیٹھے۔ انہوں نے مزید کہا کہ اکھنور سیکٹر میں دو دن تک جاری رہنے والی کارروائی میں 3 ملی ٹینٹ مارے گئے۔ اکتوبر میں جموں خطہ کے، ڈوڈہ میں چار الگ الگ انکائونٹر، کٹھوعہ، ادھم پور اور راجوری میں دو دو جھڑ پیں ہوئیں۔راجوری-پونچھ پٹی، جو جموں خطہ کے دیگر حصوں کی طرح تقریباً ایک دہائی قبل ملی ٹینسی سے پاک ہو چکی تھی، اکتوبر 2021 سے زیادہ تر فوج کی گاڑیوں کو نشانہ بنانے والے مہلک دہشت گردانہ حملوں کا مشاہدہ کیا، جس کے نتیجے میں48 ملی ٹینٹ، 7 شہریوں کے علاوہ 47 سیکورٹی اہلکاروں سمیت 100 سے زائد افراد ہلاک ہوئے۔ حکام نے اعداد و شمار کے حوالے سے بتایاکہ راجوری میں 2021 میں 19، 2022 میں 14 اور 2023 میں 28 اموات ہوئیں۔ اسی طرح پونچھ میں 2021 میں 15، 2022 میں چار اور 2023 میں 24 اموات ریکارڈ کی گئیں۔
