صفاکدل،رعناواری اور صورہ پولیس تھانوں میں عوامی دربار

 سرینگر/  /  پولیس نے لوگوںکے ساتھ بہتر تال میل قائم رکھنے کی غرض سے سرینگر میں پو لیس کمونٹی پارٹنر شپ گروپ (پی سی پی جی)میٹنگوں کا انعقادکیا ۔لوگوں کے ساتھ بہتر تال میل قائم رکھنے کی غرض سے سرینگر پولیس نے پولیس اسٹیشن صفاکدل میںایس ڈی پی او ایم آر گنج کی قیادت میں  پولیس کمونٹی پارٹنرشپ گروپ(پی سی پی جی ) میٹنگ کا انعقاد کیا گیا۔ میٹنگ میں باغوان پورہ ،نور باغ دودیگر علاقوںکے ذی عزت شہریوں کے علاوہ سیول سوسائٹی سے وابستہ لوگوں نے شرکت کر کے اپنے اپنے علاقوں کے مسائل اُجاگر کئے ۔ایس ڈی پی او نے لوگوں کے مسائل سُنے اور یقین دلایا کہ مسائل کو متعلقہ محکموں تک پہنچا یا جائے گا جبکہ پولیس سے منسلک مسائل کو تر جیحی بنیادوں پر حل کئے جائینگے ۔ میٹنگ میں منشیات ،قمار بازی،پالتھن کے خلاف مہم و دیگر جرائم کے بارے میں بھی تبادلہ خیال ہوا۔ ایس ایچ او صفاکدل محمد رفیق نے لوگوں کو یقین دلایا کہ پولیس لوگوں کی مدد کیلئے ہمیشہ تیار رہتی ہے ۔پولیس اسٹیشن رعناواری میں ایس ایچ او جی پی سنگھ کی صدارت میں پو لیس کمونٹی پارٹنر شپ گروپ (پی سی پی جی)میٹنگ منعقد ہوئی جس میں معزز شہریوں نے شرکت کی اور اپنے علاقوںکے مسائل اجاگر کئے۔ا یس ایچ او نے لوگوں کویقین دلایا کہ مسائل کو متعلقہ محکموں تک پہنچا یا جائے گا ۔ادھرپولیس اسٹیشن صورہ میں بھی ایس ڈی پی او رمیض راجہ کی صدارت میں پولیس کمونٹی پارٹنر شپ گروپ (پی سی پی جی)میٹنگ کا انعقادکیا ۔میٹنگ میں ایس ایچ او صورہ ایاض گیلانی کے علاوہ علاقے کے ذی عزت شہریوں نے شرکت کی اور علاقوںکے مسائل اجاگر کئے۔ ا یس ایچ او نے لوگوں کے مسائل سُنے اور یقین دلایا کہ مسائل کو متعلقہ محکموں تک پہنچایا جائے گا ۔