عظمیٰ نیوزسروس
جموں// جموں و کشمیر کے نائب وزیر اعلی سریندر کمار چودھری نے پیرکے روز سابق وزیر اعلیٰ محبوبہ مفتی پر تنقید کی کہ وہ 2014 کے بعد پی ڈی پی کی حکومت کے دوران شراب پر پابندی لگانے میں ناکام رہی۔انہوں نے دعویٰ کیا کہ پی ڈی پی کی طرف سے شراب پر پابندی کے نام پر جو کچھ بھی اٹھایا جا رہا ہے وہ سب دھوکہ اور لوگوں کے جذبات سے کھیلنے کی کوشش ہے۔نائب وزیر اعلی سریندر کمار چودھری نے جموں میں نامہ نگاروں کو بتایاکہ پی ڈی پی ۴۱۰۲ کے بعد جموں و کشمیر میں برسراقتدار تھی۔ اس وقت شراب پر پابندی لگانے کا بل بھی پیش کیا گیا تھا، لیکن اس وقت کی وزیر اعلیٰ محبوبہ مفتی اس سنگین مسئلے کو حل کرنے میں کیوں ناکام رہی؟ انہوںنے سوال کیاکہ اس وقت پابندی کیوں نہیں لگائی گئی؟۔ نائب وزیر اعلی سریندر کمار چودھری نے پی ڈی پی پر جموں و کشمیر کے ڈھانچے کو تباہ کرنے اور جموں و کشمیر کو مرکز کے زیر انتظام علاقہ میں تبدیل کرنے کی راہ ہموار کرنے کا الزام لگایا۔انہوںنے کہاکہ یہ پی ڈی پی ہے جو جموں و کشمیر کے لوگ جس بحران میں پھنسے ہوئے ہیں اس کی مکمل طور پر ذمہ دار ہے۔ نائب وزیر اعلی سریندر کمار چودھری نے مزید کہاکہ محبوبہ مفتی اس صورتحال پر مگرمچھ کے آنسو بہا رہی ہیں جسے اسے روکنا چاہیے۔ وہ زیادہ دیر لوگوں کو بیوقوف نہیں بنا سکتی۔انہوںنے کہاکہ صرف شراب ہی نہیں منشیات بھی ہمارے لئے ایک بڑا چیلنج بن چکی ہیں۔ اس کے علاوہ جموں کافی عرصے سے سماجی جرائم اور قتل کی زد میں ہے جس کا بغیر کسی انتظار کے نمٹا جانا چاہیے۔ پی ڈی پی اس پر خاموش کیوں ہے؟ انہوں نے کہاکہ آج محبوبہ مفتی اور ان کی بیٹی حکومت کو اس بارے میں لیکچر دے رہی ہیں کہ کیا کرنا ہے اور کیا نہیں، لیکن ہم اچھی طرح جانتے ہیں کہ اپنے لوگوں کی بہتری کے لیے کس طرح کام کرنا ہے۔نائب وزیر اعلیٰ نے یہ بھی کہا کہ نیشنل کانفرنس جانتی ہے کہ پارٹی، جموں و کشمیر اور ملک کو کس طرح مضبوط کرنا ہے، اور ہمیں لیکچر دینے والوں کو خود کا جائزہ لینا چاہئے کہ انہوں نے ماضی میں کیا کیا ہے۔انہوں نے مزید کہا کہ پی ڈی پی ٹھوس مسائل کی عدم موجودگی میں جموں و کشمیر میں نیشنل کانفرنس کی زیرقیادت حکومت کے خلاف لوگوں کو بھڑکانے کی کوشش کر رہی ہے۔یہ پوچھے جانے پر کہ کالعدم جماعت اسلامی کے چند سابق ارکان نے ایک نئی سیاسی تنظیم – جسٹس اینڈ ڈیولپمنٹ فرنٹ (جے ڈی ایف) تشکیل دی ہے، نائب وزیر اعلیٰ چودھری نے کہا کہ یہ ایک خوش آئند قدم ہے اور انہوں نے جنوبی کولگام میں عوامی اسمبلی میں جو بھی اظہار کیا، اس پر عمل کیا جانا چاہیے۔نائب وزیراعلیٰ نے کہاکہ اگر انہوں نے (جے ڈی ایف) ایک سیاسی پارٹی شروع کرنے کا فیصلہ کیا ہے، تو یہ کبھی نہ ہونے سے بہتر ہے۔ انہوں نے کہاکہ ہمیں امید ہے کہ وہ لوگوں کی امیدوں پر پورا اتریں گے ۔
جب عمر عبداللہ نے وزیر اعلیٰ کا عہدہ سنبھالا تو خزانے خالی تھے:چودھری
عظمیٰ نیوزسروس
جموں//چونکا دینے والے انکشافات کرتے ہوئے، جموں و کشمیر کے نائب وزیر اعلی سریندر کمار چودھری نے پیر کو کہا کہ جب عمر عبداللہ نے جموں و کشمیر کے وزیر اعلیٰ کا عہدہ سنبھالا تو خزانے خالی تھے۔چودھری نے نیشنل کانفرنس کے سابق جنرل سکریٹری شیخ نذیر احمد کو ان کی دسویں برسی پر خراج عقیدت پیش کرنے کے لئے منعقدہ ایک تقریب سے خطاب کرتے ہوئے کہا’’جب عمر عبداللہ کی حکومت نے جموں و کشمیر کی باگ ڈور سنبھالی، تمام خزانے خالی تھے‘‘۔اس موقع پر نیشنل کانفرنس کے صدر ڈاکٹر فاروق عبداللہ بھی موجود تھے۔تاہم انہوں نے وزیر اعظم نریندر مودی سے جموں و کشمیر سے کئے گئے وعدوں کو پورا کرنے کو بھی کہا جس میں ریاست کی بحالی بھی شامل ہے۔چودھری نے مزید کہا ’’نیشنل کانفرنس ایک ایسی جماعت ہے جسے دنیا بھر میں پہچان ملی ہے اور ہمارے قائدین نے جموں و کشمیر اور ملک کو مضبوط کیا ہے‘‘۔انہوںنے کہا’’جموں و کشمیر ایک “ریاست” ہے جس نے دہشت گردی اور ملک کی تقسیم کا بھی مشاہدہ کیا۔ ہم نے سرحدوں پر فائرنگ بھی دیکھی ہے،ہمارے رہنما اس بات کو یقینی بنانے کی کوشش کر رہے ہیں کہ جموں اور کشمیر ہندوستان کی جمہوریت اور اس کے آئین کو مضبوط کرنے کے لیے مضبوط ہو”۔انہوںنے کہا’’ہمارے سامنے بہت سے چیلنجز کا سامنا ہے کیونکہ جموں و کشمیر کی سابق ریاست اب مرکز کے زیر انتظام علاقہ ہے”۔ انہوں نے مزید کہا کہ “پہلے جب این سی کی حکومت تھی تو خزانے بھرے ہوئے تھے لیکن اس بار ہم نے حکومت سنبھالنے پر انہیں خالی پایا”چودھری نے کہا کہ جب سے عمر عبداللہ نے وزیر اعلیٰ کا عہدہ سنبھالا ہے، ہم جموں و کشمیر کو متحد کرنے کی کوشش کر رہے ہیں۔ لداخ ہم سے الگ ہونے کے باوجود بھی ہمارا بھائی ہے۔ ہم ایک دوسرے کے دلوں میں رہتے ہیں اور آج بھی ہم اتنے ہی مضبوط ہیں جتنے 2019 سے پہلے تھے (آرٹیکل 370 کی منسوخی)۔این سی لیڈر نے کہا، ’’ہمیں اپنے لیڈروں کے راستے پر چلنا ہے اور پارٹی، جموں و کشمیر اور قوم کو مضبوط کرنا ہے۔‘‘بعد ازاں پارٹی دفتر کے باہر نامہ نگاروں سے بات کرتے ہوئے نائب وزیر اعلیٰ نے جموں و کشمیر کے لوگوں سے منشیات کے استعمال اور جرائم کے بڑھتے ہوئے واقعات کے خلاف اجتماعی طور پر لڑنے کی اپیل کی۔انہوں نے پیپلز ڈیموکریٹک پارٹی کی صدر محبوبہ مفتی اور ان کی بیٹی التجا مفتی پر بھی غیر متعلقہ بیانات دینے پر تنقید کی اور پہلے اپنا گھر سیدھا کرو۔
