مالیگاؤں// مہاراشٹر میں وقت وقت پر مختلف سماجی، عوامی اور سیاسی مدعوں کو لیکر شیو سینا بی جے پی کو گھیرتی اور اپنی تنقید کا نشانہ بناتی رہی ہے۔ اس وقت بڑھتی مہنگائی سے عوام کا برا حال ہے۔ ایسے میں شیو سینا جو مرکزی حکومت میں شامل ہے، وہ مالیگاؤں میں اپنی ہی سرکار کے خلاف سڑکوں پر اتر آئی ہے۔شیوسینا نے مانا کہ سچ مچ مہنگائی بہت بڑھ گئی ہے۔ ساتھ ہی کسانوں کے قرض معاف کرنیکا مطالبہ بھی کیا۔ملک میں بڑھتی مہنگائی کی ذمہ دار مرکزی اور ریاستی سرکار کو ٹھہراتے ہوئے مالیگاو?ں شہر میں شیوسینا کی جانب سے مرکزی اور ریاستی سرکار کے خلاف مورچہ نکال کر احتجاج کیا گیا۔ ایڈیشنل کلکٹر کے دفتر کے سامنے دھرنا دیتے ہوئے شیوسینا کی خواتین ونگ نے راستے پر چولہے جلا کر روٹیاں سینکیں اور گیس سیلنڈر کی قیمتوں میں ہوئے اضافہ کی مذمت کی۔ صحافیوں نے پوچھا کہ آپ بھی تو سرکار میں شامل ہیں۔ تب عہدے داروں نے کہا کہ ہمیں اقتدار کی ضرورت نہیں۔ ہم عوام کے مسئلے پر بالا صاحب ٹھاکرے کے نقش قدم پر چلتے ہوئے تحریک چلاتے ہیں اور آگے بھی چلاتے رہیں گے۔شہر کے چتھرپتی شیواجی کے مجسمے سے بیل گاڑیوں سمیت نکالا گیا یہ مورچہ ایڈیشنل کلکٹر کے دفتر تک پہنچا۔ مگر اس مورچہ سے مقامی شیوسینا کے ایم ایل اے اور وزیر دادا بھسے غیر حاضر نظر آئے۔
شیوسینا نے بڑھتی مہنگائی پر مرکزی اور ریاستی حکومت کے خلاف مورچہ کھولا
