شیخ کالونی حول کے آتشزدگان میں امداد تقسیم

سرینگر//دارالخیر میرواعظ منزل کے سرپرست اعلیٰ اور حریت (ع) چیئرمین میرواعظ عمر فاروق نے گزشتہ دنوں شیخ کالونی حول متصل اسلامیہ کالج میں آگ کے ایک بھیانک واقعہ میں 1درجن سے زیادہ رہائشی مکانات کے خاکستر ہونے اور بڑے پیمانے پر املاک و جائیداد کے نقصان پر دکھ اور افسوس کا اظہار کرتے ہوئے متاثرین کے ساتھ دلی ہمدردی اور یکجہتی کا اظہار کیا ہے اوران کی فوری باز آبادکاری کی ضرورت پر زور دیا ہے۔اس دوران میرواعظ کی ہدایت پر دارالخیر میرواعظ منزل کے عہدیداروں اور کارکنوں کے وفد نے مفتی غلام رسول کی سربراہی میں شیخ کالونی حول جاکرمتاثرین میںچاول ، آٹا،کمبل اور کچن کٹ(Kitchen kit) وغیرہ اور بنیادی ضروریات کی چیزیں بطور امداد پیش کیں ۔جیسا کہ ملت کشمیر اس حقیقت سے باخبر ہے کہ دارالخیر میرواعظ منزل اپنے قیام کی مدت سے لیکر آج تک برابر اپنے مخلصین کی مالی اور جنسی معاونت سے برا بر آفات سماویہ و ارضیہ کے دوران بلا امتیاز مذہب و ملت متاثرین کی حتی المقدور امداد اور بحالی کیلئے اپنی کوششوں میں مصروف عمل ہے ۔اس ضمن میں دارالخیر میرواعظ منزل نے اہل ثروت حضرات سے ماضی کی طرح اس ملی ادارے کی ہر ممکن مدد اور معاونت کی اپیل دہرائی ہے تاکہ امدادی کام جاری رکھا جاسکے۔