عظمیٰ نیوز سروس
نئی دہلی// شہریت (ترمیمی)قانون مرکز نے پاکستان، افغانستان اور بنگلہ دیش کے غیر مسلم تارکین وطن کو ہندوستانی شہریت دینے کا عمل شروع کیا ہے۔ ایک سرکاری ترجمان نے بتایا کہ مرکزی داخلہ سکریٹری اجے کمار بھلا نے 14 لوگوں کو سرٹیفکیٹ حوالے کیے جب ان کی درخواستوں پر ایک نامزد پورٹل کے ذریعے آن لائن کارروائی کی گئی۔سی اے اے دسمبر 2019 میں بنگلہ دیش، پاکستان اور افغانستان سے ستائے ہوئے غیر مسلم تارکین وطن کو ہندوستانی شہریت دینے کے لیے نافذ کیا گیا تھا جو 31 دسمبر 2014 کو یا اس سے پہلے ہندوستان آئے تھے۔ ان میں ہندو، سکھ، جین، بدھ، پارسی اور عیسائی شامل ہیں۔قانون سازی کے بعد، سی اے اے کو صدر کی منظوری مل گئی لیکن جن قوانین کے تحت ہندوستانی شہریت دی گئی تھی وہ چار سال کی تاخیر کے بعد اس سال 11 مارچ کو ہی جاری ہوئے تھے۔
