رحمت ِ دوعالم کی آمد پرخوشی ومسرت کااظہار تعلیماتِ اسلام کے عین مطابق منہاج انٹرنیشنل کامنشورعشقِ مصطفیٰ کی بنیاد پرامت کومتحدکرناہے۔علماء کرام پورے عالم اسلام کے ساتھ ساتھ ریاست جموں وکشمیرمیں بھی جشن عیدمیلادالنبی ؐ کی تقریبات نہایت ہی پرجوش اورایمانی جذبے کے ساتھ منعقدکی گئیں۔ان خیالا ت کااظہارمختلف مقامات پرمنعقدہ محافلِ میلادؐ سے خطاب کرتے ہوئے علماء کرام نے کیا۔
دھنوں
جموں//تحصیل بھلوال کی بلاک متھوارکے مختلف دیہات کے لوگوں نے مشترکہ طورپر ہرسال کی طرح امسال عیدمیلادالنبیؐ کے مقد س موقعہ پر جلوسِ محمدی رضائے مصطفیٰ صلی اللہ علیہ وسلم اورمحفلِ میلاد ؐکاانعقادکیاگیا جس میںمختلف دیہات مثلا جنڈیال ، دبڑمیرا ، کوٹلی ،بگانی، دھنوں، پریڈ ، گورڈہ وغیرہ کے فرزندان توحیداورعاشقانِ رسول ؐنے جوش وجذبے کے ساتھ حصہ لیا۔تفصیلات کے مطابق جلوس محمدی ؐ مسجدشریف رتی سے صبح 9 بجے شروع ہوااوررتی ،سروٹ،پدمی ،کیری ،اوڑک،ہنڈوال سے ہوتاہوامحلہ گورسی نالہ چیڑوالی چھپڑی کھڑامحلہ دھنوںپہنچ کراختتام پذیرہواجہاںپرمحفلِ میلادؐ منعقدہوئی جس میں جیدعلماء کرام سیرت ِ نبویؐ پرتفصیلی خطاب فرمایا ۔اس موقعہ پرمولانافریداحمد اورمحمدآصف مقررخصوصی تھے۔ اس موقعہ پرخطاب کرتے ہوئے مولانافریداحمد نے 12 ربیع الاول یعنی یوم ولادت باسعادت سرکاردوعالم حضرت محمدﷺ کو انسانی تاریخ کاعظیم دن قراردیا۔اانہوںنے کہاکہ حضورﷺ کی پیدائش سے چھائے ہوئے اندھیرے اورگمراہی سے نجات کاراستہ استوارہوا۔انہوں نے کہاکہ اللہ اوراسکے رسول ؐکے بتائے ہوئے راستے پرعمل پیراہوکر سرخروئی حاصل کرسکتی ہے۔ اس دوران جن دیگرعلماء کرام نے خطاب فرمایاان میں مولانامشتاق احمدرضوی، حافظ محمدریاض ،مولانارشیدعلی ،مولاناشکیل احمد ،مولانامنظوراحمد کے اسمائے گرامی قابل ذکرہیں۔واضح رہے کہ جلوس اورمحفل ِ میلادؐ کے منتظمین میں مولوی شبیراحمد ،عبدالرزاق ودیگرممبران ہنڈوال ،نالہ گورسیاں نالہ ،ٹالی والا ،دھنوں وغیرہ شامل تھے ۔اس دوران محفلِ میلاد ؐ کی صدارت کے فرائض حضرت سیدپیر اخترحسین شا ہ ،اورماسٹرمشتاق احمد رضوی دھنوں نے انجام دیئے جبکہ پروگرام مولانا محمدشکیل قادری امام خطیب غوثیہ مسجد پدمی اورمولانا شبیراحمدکی نگرانی میں منعقدہوا۔اس دوران محفل میلاد ؐ میں رونق سٹیج افرادمیںحافظ وقاری محمدرضوان (بریلی شریف ) ،قاری محمداصغر(رتی)،محمدخان (رتی )،مولاناگلزار(جنڈیال)بشیراحمد (نخترنالہ)،مولاناشوکت علی (سروٹ)مولوی حاجی غلام رسول،مولوی حیات علی امام وخطیب جامع مسجدہنڈوال، مولوی دِل محمد(چرنگال)،مولانامبارک حسین امام وخطیب جامع مسجد بگانی ، مولاناکفیل احمد امام وخطیب جامع مسجددبڑمیرا،مولوی نثاراحمد،مولوی منظوراحمد ،مولوی محمدشفیع، حاجی عبدالغفور،مولانانثاراحمد امام وخطیب جامع مسجددھنوں اوردیگرعلماء کرام وغیرہ کے اسمائے گرامی شامل ہیں۔علاوہ ازیں رتی میں بھی جلوس کے سلسلے میں میٹنگ منعقد ہوئی جس میں رتی مسجد شریف کے امام خطیب مولانا محمد آصف رضا، حافظ محمد رضوان،عبدالمجید ،محمدخلیل،ماسٹر محمدسرتاج،ماسٹرمبارک حسین، مولوی محمدخان ،محمداصغر،محمدخان کنئی ،محمدصدیق ودیگران شامل تھے۔
