یو این آئی
نارتھ ساؤنڈ/شکیب الحسن ٹی 20 میں 500 سے زیادہ وکٹیں لینے اور 7000 سے زیادہ رنز بنانے والے دنیا کے پہلے کھلاڑی بن گئے ۔ شکیب نے یہ کارنامہ سی پی ایل 2025 میں پیٹریاٹس اور فالکنز کے درمیان میچ کے دوران انجام دیا۔شکیب کو اننگز کے 15ویں اوور میں پہلی بار اٹیک پر لایا گیا اور اسی اوور میں انہوں نے محمد رضوان کو کیچ کرایا اور ٹی ٹوئنٹی کی تاریخ میں 500 وکٹیں لینے والے پانچویں بولر بن گئے ۔ شکیب نے اگلے اوور میں مزید دو وکٹیں لے کر ان کی تعداد 502 تک لے گئی۔ شکیب نے اس میچ میں دو اووروں میں 11 رنز دے کر تین وکٹیں حاصل کیں۔اس کامیابی کے ساتھ ہی شکیب ٹی ٹوئنٹی کرکٹ میں 500 یا اس سے زیادہ وکٹیں لینے والے بولرز کے خصوصی کلب میں شامل ہو گئے ہیں۔ اس کلب میں راشد خان 660، ڈیون بریوو 631، سنیل نارائن590 اور عمران طاہر 554 شامل ہیں۔ لیکن جو چیز شکیب کو باقیوں سے الگ کرتی ہے وہ اس کی غیر معمولی آل راؤنڈ صلاحیت ہے ۔ اب وہ ٹی 20کی تاریخ میں 7000 رنز اور 500 وکٹیں حاصل کرنے والے واحد کھلاڑی ہیں۔ اس ناقابل یقین کارنامے کے قریب ترین کھلاڑی ڈوین بریوو تھے جنہوں نے 6970 رنز اور 631 وکٹیں لے کر اپنے کیریئر کا خاتمہ کیا۔ آندرے رسل بھی 9361 رنز اور 487 وکٹوں کے ساتھ 500 وکٹوں کے نشان کے قریب ہیں۔
