سرینگر/ جنوبی کشمیر کے شوپیان ضلع میں منگل کو اُس وقت تین پولیس اہلکار جاں بحق ہوگئے جب جنگجوئوں نے اُن کی پوسٹ پر حملہ کیا۔اس حملے میں ایک پولیس اہلکار زخمی ہوگیا۔
یہ واقعہ شوپیان کے زینہ پورہ علاقے میں پیش آیا جہاں خبررساں ایجنسی جی این ایس کے مطابق جنگجوئوں نے پولیس پوسٹ پر شدید گولیاں چلائیں جس کے نتیجے میں تین اہلکار موقع پر ہی ہلاک اور ایک زخمی ہوگیا۔زخمی اہلکار کو اسپتال پہنچایا گیا ہے جہاں اس کی حالت نازک بنی ہوئی ہے۔
ذرائع کے مطابق جنگجو اس حملے میں پولیس اہلکاروں کی چار سروس رائفلیں لوٹ کر فرار ہونے میں کامیاب ہوگئے ۔
ایک سینئر پولیس آفیسر نے واقعہ کی تصدیق کرتے ہوئے کہا کہ اس میں تین اہلکاروں کی موت واقع ہوگئی ہے جبکہ ایک اہلکار زخمی ہے۔
انہوں نے کہا کہ مہلوک اور زخمی اہلکار اقلیتی فرقے کی حفاظت پر علاقے میں مامور تھے۔
جنگجو حملے کے فوراً بعد فوج اور ایس او جی اہلکاروں نے حملہ آئوروں کو پکڑنے کیلئے علاقے کو گھیرے میں لیکر آپریشن کا آغاز کیا ہے۔
