سرینگر/جنوبی کشمیر کے شوپیان ضلع میں فورسز نے تازہ چھاپہ مار کارروائیوں کے دوران مزید چار افراد کی گرفتاری عمل میں لائی ہے۔
یہ گرفتاریاں وہل اور چودھر گنڈ نامی گائوں میں شبانہ چھاپوں کے دوران عمل میں لائی گئی ہیں۔
گرفتار شدگان کی شناخت عنایت اللہ ملک ولد محمد سعید ملک، تنویر احمد وگے ولد غلام حسن وگے اورسجاد احمد خان ولد عبد الحمید خان ساکنان چودھر گنڈ اور مظفر احمد میر ولد غلام حسن میر ساکن وہل کے طور ہوئی ہے۔
پولیس ذرائع نے کہا کہ گرفتار شدگان کو پولیس سٹیشن شوپیان میں رکھا گیا ہے ۔ انہوں نے تاہم تفصیل فراہم نہیں کیں۔
واضح رہے کہ گذشتہ روز شوپیان کے اسی علاقے سے پانچ افراد کو گرفتار کیا گیا تھا۔
اس سے قبل پولیس نے بانہال علاقے میں وہل کے رہنے والے ایک شہری کو سرینگر۔جموں شاہراہ پر دھماکہ کیس میں گرفتار کیا تھا۔
