سرینگر//جنوبی ضلع شوپیان میں جمعرات کو ایک مسلح معرکہ آرائی کے دوران ایک جنگجو جاں بحق ہوگیا۔جاں بحق جنگجو کی شناخت تاہم ابھی نہیں کی گئی ہے۔
فوج نے اپنے ایک مختصر بیان میں اس بات کی تصدیق کی کہ معرکہ آرائی میں ایک جنگجو جاں بحق ہوگیا ہے۔ بیان میں مزید کہا گیا ہے کہ معرکہ آرائی جاری ہے۔
اس سے قبل سیکورٹی فورسز اور جنگجوﺅں کے مابین امام صاحب علاقہ کے بنڈپاوا نامی گاﺅں میں تصادم شروع ہوگیا۔
ذرائع کے مطابق فورسز نے بنڈ پاوا میں تلاشی آپریشن شروع کیا جس کے دوران جنگجوﺅں اور فورسز کا آمنا سامنا ہوگیا اور طرفین نے ایک دوسرے پر گولیاں چلائیں۔
یہ آج ہونے والی ایسی دوسری جھڑپ تھی۔ پہلے آج صبح پانپور کے میج نامی گاﺅں میں معرکہ آرائی شروع ہوگئی جس کے دوران ایک جنگجو جاں بحق ہوگیا۔
