سرینگر//سیکورٹی فورسز اور جنگجوﺅں کے مابین جنوبی ضلع شوپیان میں مسلح جھڑپ ، جوگذشتہ روزشام سے جاری ہے، کے دوران ابھی تک تین جنگجو جاں بحق ہوگئے ۔
فوج نے بدھ کو کہا کہ اس جھڑپ کے دوران تیسراجنگجو جاں بحق ہوگیا ہے۔
اس سے قبل گذشتہ شام پولیس نے ایک جنگجو اور آج صبح دوسرے جنگجو کی ہلاکت کی تصدیق کی تھی ۔
یہ جھڑپ منگل کی شام میلہور نامی گاﺅں میں اُس وقت پیش آئی جب فورسز کی پارٹی اور جنگجوﺅں کا آمنا سامنا ہوا۔
ذرائع کے مطابق رات بھر آپریشن معطل رہنے کے بعد آج صبح طرفین میں گولیوں کا تبادلہ پھر شروع ہوگیا جس کے دوران مزید دو جنگجو جاں بحق ہوگئے۔مہلوک جنگجوﺅں کی شناخت کے بارے میں تاہم پولیس اور فوج کے حکام نے کچھ نہیں کہا۔
فوجی ترجمان کے مطابق علاقے میں فورسز کا تلاشی آپریشن جاری تھا۔
دریں اثناءگذشہ شام جو مقامی خاتون ٹانگ میں گولی لگنے سے زخمی ہوگئی تھی اُس کی حالت مستحکم بتائی جارہی ہے۔
