سرینگر // شوپیان ضلع کے راولپورہ گاوں میں جنگجوﺅں اور فورسز کے مابین سنیچر کو شروع ہوئی معرکہ آرائی پیر کو تیسرے دن میں داخل ہوگئی۔ ذرائع کے مطابق آج صبح ایک بار پھر معرکہ آرائی کے مقام پر جنگجوﺅں اور فورسز کے مابین گولیوں کا تبادلہ شروع ہوگیا۔
قابل ذکر ہے کہ اس معرکہ آرائی میں ابھی تک ایک عسکریت پسند جاں ہوگیا ہے جبکہ پولیس اور مظاہرین کے بیچ جھڑپوں میں پولیس اہلکار سمیت 5 افراد زخمی ہوگئے ہیں۔
یہ معرکہ آرائی سنیچر کو اس وقت شروع ہوگئی جب فوج، پولیس اور سی آر پی ایف نے جنگجوﺅں کی موجودگی کی اطلاع ملنے کے بعد گاوں کو محاصرے میں لیکر تلاشی آپریشن شروع کیا۔
طرفین میں گولیوں کے تبادلے کا سلسلہ اتوار کی صبح تک جاری رہا جس کے نتیجے میں ایک عسکریت پسند جاں بحق ہوگیا۔اطلاعات کے مطابق کل زیادہ وقت خاموشی کے ساتھ گذر گیا اور طرفین میں کوئی زیادہ گولی باری نہیں ہوئی ۔
اس معرکہ آرائی کے دوران ابھی تک تین رہائشی مکان بھی تباہ ہوگئے ہیں۔
مقامی ذرائع نے کہا کہ فورسز کا آپریشن آج تیسرے روز بھی جاری رہا جس کے دوران ایک بار پھر طرفین میں گولیوں کا تبادلہ ہوا۔
