شمالی کوریا سے بات چیت وقت کی بربادی

واشنگٹن ،2اکتوبر(یواین آئی)امریکہ کے صدر ڈونلڈ ٹرمپ نے کہا کہ شمالی کوریا کے ساتھ نیوکلیائی تجربہ کے مسئلہ پر بات چیت کرنا وقت کا زیاں ہے ۔مسٹر ٹرمپ نے شمالی کوریا کے رہنما کم جونگ ان کا ذکر کرتے ہوئے کل ٹوئیٹ کیا کہ '' میں نے وزیر خارجہ ریکس ٹلرسن سے کہاہے کہ وہ اس لٹل راکٹ مین سے بات چیت کی کوشش میں اپنا وقت برباد نہ کررہے ہیں ۔''انھوں نے کہا کہ '' اپنی توانائی بچا¶ ریکس ،جو کچھ کیاجانا ضروری ہے ،ہم وہ کریں گے ۔''واضح رہے کہ مسٹر ٹلرسن نے شمالی کوریا سے بات چیت کے تعلق سے ہفتہ کو کہاتھا کہ دونوں ملکوں کے مابین براہ راست بات چیت ہورہی ہے ۔انھوں نے حالانکہ یہ بھی کہاکہ بات چیت میں کم جونگ ان انتظامیہ کی دلچسپی بہت کم ہے ۔یواین آئی