عظمیٰ نیوز سروس
سرینگر// وادی کشمیر میں سردیوں کے بادشاہ چلہ کلاں کی آمد سے قبل ہی شبانہ سردیوں کا زور بڑھنے لگا ہے اور اس دوران سرینگر میں کم سے کم درجہ حرارت منفی0.4 ڈگری سینٹی گریڈ ریکارڈ ہوکر رواں سیزن کی ایک اور سرد ترین رات ریکارڈ ہوئی ہے ۔ محکمہ موسمیات نے بتایا کہ حسب توقع وادی میں کم سے کم درجہ حرارت میں مزید کمی واقع ہوئی ہے ۔ انہوں نے کہا کہ سرینگر میں شبانہ درجہ حرارت منفی 0.4 ڈگری سینٹی گریڈ ریکارڈ ہوا ۔ گلمرگ اور پہلگام میں شبانہ درجہ حرارت بالترتیب منفی0.4 ڈگری سینٹی گریڈ اور منفی3.4 ڈگری سینٹی گریڈ ریکارڈ ہوا ہے ۔ سرحدی ضلع کپوارہ میں کم سے کم درجہ حرارت منفی 1.4 ڈگری سینٹی گریڈ ریکارڈ ہوا ہے جبکہ قصبہ قاضی گنڈ میں شبانہ درجہ حرارت منفی 1.9 ڈگری سینٹی گریڈ ریکارڈ ہوا ۔ جموں میں شبانہ درجہ حرارت 11.4 ڈگری سینٹی گریڈ جبکہویشنو دیوی کٹرہ میں 10.4 ڈگری سینٹی گریڈ،، بٹوٹ میں 4.3 ڈگری اور بھدرواہ میں 1.9 ڈگری سینٹی گریڈ ریکارڈ ہوا ہے ۔ محکمہ موسمیات کی پیش گوئی کے مطابق جموں وکشمیر میں 16 نومبر تک موسم عام طور پر خشک رہنے کا امکان ہے ۔
