عظمیٰ مانیٹرنگ ڈیسک
بیجنگ// چین کے صوبے سیچوان کے شاپنگ سینٹر میں اچانک آگ خوفناک آگ بھڑک اُٹھی، جس کے نتیجے میں 16 افراد لقمہ اجل بن گئے جبکہ متعدد افراد عمارت میں پھنس گئے ۔بین الاقوامی خبر رساں ادارے کی رپورٹ کے مطابق بدھ کو چین کے مغربی صوبے سیچوان کے شہر زیگونگ کے ایک شاپنگ سینٹر میں مقامی وقت کے مطابق شام 6 بجے کے قریب اچانک آگ لگ گئی۔شاپنگ سینٹر میں آگ لگنے کے سبب 16 افراد جھلس کر زندگی کی بازی ہار گئے ، جبکہ شاپنگ سینٹر کی 14 منزلہ عمارت میں پھنسے افراد کو نکالنے کے لئے ریسکیو حکام کوششو میں مصروف ہیں۔رپورٹ کے مطابق مقامی فائر ڈپارٹمنٹ سے 300 کے قریب ایمرجنسی ورکرز اور درجنوں گاڑیاں جائے وقوعہ کی طرف روانہ کی گئیں جس کے بعد آگ بجھادی گئی۔حکام کا کہنا ہے کہ شاپنگ سینٹر کی عمارت سے کل 30 افراد کو بچا لیا گیا ہے جبکہ ابھی یہ واضح نہیں ہوا ہے کہ اندر مزید کتنے افراد موجود ہیں۔ادھرجنوبی فرانس کے شہر نیس کے ایک محلے میں رہائشی عمارت میں رات بھر لگنے والی آگ میں 7 افراد ہلاک ہو گئے۔ فائر فائٹرز نے جمعرات کو بتایا کہ ریسکیو عملے کو تقریباً 2:30 بجے لیس مولینز میں آگ لگنے کی اطلاع دی گئی، ا?گ لگنے کی وجوہات کا تاحال تعین نہیں کیا جا سکا ہے۔مجموعی طور پر 25 فائر انجن اور 72 فائر فائٹرز نے آگ پر قابو پانے میں حصہ لیا۔
