یو این آئی
ممبئی /ہندوستانی خواتین ٹیم کی کپتان ہرمن پریت کورنے آج یہاں کہا کہ ہم آخری رکاوٹ کو توڑنے اور آئندہ ایک روزہ عالمی کپ میں ہندوستانی شائقین کے انتظار کو ختم کرنے کی پوری کوشش کریں گے ۔آج یہاں منعقدہ ایک پروگرام میں آئندہ ورلڈ کپ کی الٹی گنتی شروع ہونے پر ہرمن پریت نے کہا، ‘‘گھریلو شائقین کے سامنے کھیلنا ہمیشہ خاص ہوتا ہے ، اور امید ہے کہ اس بار ہم اپنی سو فیصدکارکردگی پیش کریں گے اور اس رکاوٹ کو توڑ دیں گے جس کا تمام ہندستانی شائقین انتظار کر رہے ہیں۔ہندوستان 2005 میں رنر اپ ، 2009 میں تیسرے اور 2013 میں ساتویں نمبر پر رہا ۔ 2017 میں وہ خطاب جیتنے کے قریب پہنچ گئے ، لیکن لارڈز میں انگلینڈ سے فائنل میں ہار گئے ، اور 2022 میں پانچویں نمبر پر رہے ۔ کپتان پریت کور نے 2017 کے ٹورنامنٹ کے مایوس کن لمحے کو یاد کیا جب انہوں نے آسٹریلیا کے خلاف سیمی فائنل میں 171 رن بنائے تھے ۔اس پروگرام کا افتتاح آئی سی سی کے صدر جے شاہ نے پینل ڈسکشن سے پہلے کیا، جس میں ہرمن پریت اور آئی سی سی کے سی ای او سنجوگ گپتا کے علاوہ ہندستانی کرکٹ اسٹار اسمرتی مندھانا اور جمیمہ روڈریگز بھی شامل تھیں۔مسٹر شاہ نے کہا کہ آئندہ ورلڈ کپ ویمن کرکٹ کو مزید آگے بڑھانے کا ایک شاندار موقع ہے اور انہوں نے پینل ڈسکشن میں موجودہ اور سابق کھلاڑیوں کی تجاویز کا خیرمقدم کیا۔آئی سی سی ویمنز کرکٹ ورلڈ کپ 2025 کی ہندوستان میں واپسی خواتین کرکٹ کے لیے ایک فیصلہ کن لمحہ ہے ، جو واقعی ایک عالمی معیار کے ٹورنامنٹ کا مرحلہ طے کرے گا جو اس کھیل کے عالمی قد کو مزید بلند کرے گا ۔ آئی سی سی میں ، ہم نئے خیالات کے لیے کھلے ہیں اور مسلسل خواتین کی کرکٹ کی بڑھتی ہوئی رفتار کو برقرار رکھنے کے طریقے تلاش کر رہے ہیں ۔ورلڈ کپ 30 ستمبر سے 2 نومبر کے درمیان کھیلا جائے گا۔ یہ میچ دو ممالک کے پانچ شہروں میں منعقد ہوں گے ۔
