عظمیٰ نیوز ڈیسک
دمشق//شام کے بحران پر یکساں موقف اختیار کرنے کیلئے اردن میں 13ممالک کے سفارتکاروں کی ملاقات ہوئی۔خبروں کے مطابق اس ملاقات میں 13ممالک کے وزرائے خارجہ، یورپی یونین، اقوام متحدہ اور عرب لیگ کے حکام بھی شامل تھے۔ملاقات میں بحرین، مصر، فرانس، جرمنی، اردن، عراق، لبنان، قطر، سعودی عرب، ترکی، متحدہ عرب امارات، برطانیہ اور امریکہ نے شرکت کی۔رپورٹ میں بتایا گیا کہ ملاقات میں شامل تمام ممالک نے شامی عوام کی مکمل حمایت کا اعادہ کیا۔رپورٹ کے مطابق سیاسی منتقلی کا عمل شام کی زیرِ قیادت اور شامی ملکیت میں ہونے پر اتفاق کیا گیا۔شریک ممالک نے شام کے اتحاد، علاقائی سالمیت اور خود مختاری کیلئے مکمل حمایت کی تصدیق کی اور انسانی حقوق کی اہمیت پر بھی زور دیا گیا۔
