سرینگر//پاکستان نے چریکوٹ سیکٹر میں بھارتی فورسز کی طرف سے دو ستمبر کو سیز فائر کی خلاف ورزیوں اور اس کے نتیجے میں پولاس گاؤں کی8 سالہ بچی مومنہ کی ہلاکت کے واقعے کی شدید ناراضگی کا اظہار کیا ہے۔پاکستانی دفتر خارجہ سے جاری بیان کے مطابق ڈائریکٹر جنرل جنوبی ایشیا و سارک ڈاکٹر محمد فیصل نے بھارتی ڈپٹی ہائی کمشنر جے پی سنگھ کو دفتر خارجہ طلب کیا گیا اور ان سے شدید احتجاج کیا۔پاکستان کا الزام ہے کہ بھارتی فورسز نے دو ستمبر کو شیری کوٹ سیکٹر پر بلااشتعال فائرنگ کی تھی جس کے نتیجے میں پولاس گاؤں کی آٹھ سالہ مومنہ جاں بحق ہو گئی تھی۔ڈی جی سارک ڈاکٹر محمد فیصل نے احتجاجی مراسلہ بھی بھارتی ڈپٹی ہائی کمشنر کے حوالے کیا اور کہا کہ بھارت کی جانب سے شہری آبادی کو نشانہ بنانہ قابل مذمت ہے۔ڈائریکٹر جنرل جنوبی ایشیا و سارک محمد فیصل نے بھارت پر 2003ء کے جنگ بندی معاہدے کا احترام کرنے، اس معاملے اور جنگ بندی کی خلاف ورزیوں کے دیگر واقعات کی تحقیقات کرنے پر زور دیا۔انہوں نے کہا کہ بھارتی فورسز کو جنگ بندی کا من و عن احترام کرنے اور کنٹرول لائن پر امن قائم کرنے کی ہدایات جاری کی جائیں۔محمد فیصل نے بھارت پر زور دیا کہ وہ پاکستان اور بھارت کے لئے اقوام متحدہ کے فوجی مبصر گروپ کو اقوام متحدہ کی سلامتی کونسل کی قراردادوں کے مطابق اپنا کردار ادا کرنے کی اجازت دے۔
سیز فائر کی خلاف ورزیاں
