عظمیٰ نیوز سروس
لیہہ// دنیا کے بلند ترین محاذِ جنگ سیاچن گلیشیر میں ڈیوٹی کے دوران ایک فوجی افسر ہلاک ہوگیا۔ فوج کے مطابق جونیئر کمیشنڈ آفیسر( نائب صوبیدار) بلدیو سنگھ نے مادر وطن کے دفاع میں اپنی جان کا نذرانہ پیش کیا۔لیہہ میں قائم فائر اینڈ فیوری کور کے جنرل آفیسر کمانڈنگ (جی او سی) اور تمام اہلکاروں نے نائب صوبیدار کو خراج عقیدت پیش کیا۔فائر اینڈ فیوری کور نے ایک سوشل میڈیا پوسٹ میں کہا،‘جی او سی اور تمام رینکس نائب صوبیدار بلدیو سنگھ کو سلام پیش کرتے ہیں، جنہوں نے 20 اپریل 2025 کو سیاچن گلیشیر میں فرض کی ادائیگی کے دوران عظیم قربانی دی۔۔’فوج کی جانب سے فی الحال اس واقعے کے محرکات ظاہر نہیں کیے گئے ۔
