نئے سفر کی لذتوں سے جسم و جاں کو سر کرو
سفر میں ہوں گی برکتیں سفر کرو سفر کرو
مہتاب حیدر نقوی
اللہ تعالیٰ نے انسان کو تمام مخلوقات پر فضیلت بخشی ہے اور اسے اشرف المخلوقات کے اعلیٰ منصب پر جگہ دی ہے اللہ تعالیٰ کی بنائی ہوئی خوبصورت کائنات کا مشاہدہ کر کے ہمیں اللہ تعالیٰ کی قدرت وحدانیت، قرب بھی حاصل ہوتا ہے اور اللہ کی بنائی ہوئی جنت کی قدر و منزلت کا بھی احساس بہ خوبی ہو جاتا ہے چنانچہ اُمالکتاب میں اللہ تعالیٰ فرماتا ہے۔
’’ بلا شبہ آسمانوں اور زمین کی پیدائش میں ، رات و دن کے ہیر پھیر اور پیہم ایک دوسرے کے بعد آنے جانے میں ، ان کشتیوں اور جہازوں میں جو انسانوں کے فائدے کی چیزیں لے کر سمندروں میں چلتی پھرتی ہیں ، بارش کے پانی میں جسے اﷲ آسمان سے برساتا ہے پھر اس سے مردہ زمین کو زندگی بخشتا ہے اور زمین میں ہر قسم کی جاندار مخلوق کو پھیلاتا ہے ، ہواؤں کی گردش میں اور ان بادلوں میں جو آسمان و زمین کے درمیان تابع فرمان بناکر رکھے گئے ہیں بے شمار نشانیاں ہیں ان لوگوں کیلئے جو عقل سے کام لیتے ہیں اور غور و فکر کرتے ہیں۔ ‘‘
اپنی مصروفیات میں سے وقت نکال کر کچھ دن قبل عزیز و اقارب کے ساتھ شہرہ آفاق سیاحتی مقام پہلگام کاسفر میں نے میرے آبائی علاقے پاندریٹھن سے شروع کیا۔موسم بھی خوشگوار تھا اور صبح سویرے نیشنل ہائی وے پر گاڈیوں کی آمد و رفت بھی محدود تھی ورنہ یہ روٹ ہمیشہ ٹریفک جام کی وجہ سے دردِ سر بن جاتا ہے۔یوں تو ہم ہر سال پہلگام کی وادیوں کا رُخ کرتے ہیںپر موجودہ نا مناسب حالت کی وجہ سے آج بہت مدت کے بعد جانا نصیب ہوا۔میں نے دل میں تصور کیا تھا کہ آج پہلگام اور بھی خوبصورت و دیدہ زیب ہوا ہوگا اور محکمہ سیاحت نے اسے بہت اچھے سے وسعت دی ہوگی کیونکہ covid 19 کی وجہ سے یہ مقامات سیر و تفریح کے لئے بند پڑے تھے اور یہ ایک اچھا نادر موقع تھا اسے اور بھی زیادہ پُر کشش بنانے کا پر میرے تخیلات محکمے کے خیالات سے کوسوں دور تھے دوران صفر میں نے صاف و صفائی کا معقول انتظام بھی نہیں دیکھا،کوڈے دانوں کا فقدان تھا اور جس جگہ اب کوڈے دان قلیل تعداد میں ہی صحیح موجود تھے، وہ برسوں سے خاکروب حضرات کا انتظار کر رہے تھے۔ کوڈے دان کی صاف صفائی کا کوئی انتظام ہی نہیں دکھائی دے رہا تھا ہر سوں ہر جگہ گندگی کے ڈھیر دکھائی دے رہے تھے.۔ رفع حاجت اور پینے کے پانی کا انتظام سیاحتی مقام پر بنیادی سہولیات میں شمار ہوتا ہے، پر افسوس کے ساتھ کہنا پڑتاہے کہ سیاحتی حُکام نے بنیادی اصولوں کو عملی جامہ پہنانے میں کوئی خاص دلچسپی نہیں دی ہے۔
متوسط طبقے کے مقامی لوگوں کے لئے اب سیاحتی مقام کا رُخ کرنا دن بہ دن مشکل ہو رہا ہے ہر جگہ ہر پارک کو Paid پارک میں تبدیل کیا گیا ہے۔ میں نے اپنے مشاہدات میں ایسی تفریح گاہ بھی دیکھیں،جہاں بیٹھنے کا بھی خاطر خواہ انتظام نہیں تھا پر entry fee کے بغیر وہاں بھی جانا ممنون تھا۔ہم نے رات کو قیام کرنے کے لیے جب ہوٹلوں کا رُخ کیا تو lodging charges میری توقع سے بہت زیادہ تجاوز کر رہے تھے اور ہر ہوٹل میں یکساں سہولیات ہونے کے باوجود lodging charges میں بہت تفاوت تھا یہی حال ریسٹورنٹس کا بھی تھا ۔میں نے اپنے مشاہدات میں ایسے بھی بہت سارے سیاح دیکھے جو چھوٹے چھوٹے خیمے لے کر آے تھے اور کئ مقامی و غیر مقامی سیاح سے گفت شنید کے بعد معلوم ہوا کہ وہ کئ راتوں سے ان ہی خیموں میں میں راتیں بھی بسر کر رہے ہیں اور شام کے وقت یہی سیاح مجھے سبز سونا جلا کر طرح طرح کے پکوان پکاتے بھی دکھائی دیئے اور انہیں اس فعل سے روکنے کے لئے مجھے محکمہ کا کوئی بھی ملازم دکھائی نہیں دیا۔ اگرچہ وائلڈ لائف ایڈوائزری کے مطابق ایسی جگہوں پر رات کھلے آسمان تلے بسر کرنا ممنوع ہےلیکن ایسے فرمانوں کو عملی جامہ پہنانے میں حکومت سنجیدگی کا مظاہرہ نہیں کر رہی ہے۔ جگہ جگہ پہلگام میں ایسے لکڑی کے بوسیدہ اور پرانے پُل بھی نظر آتے ہیں جنہیں عبور کرنا خطرے سےخالی نہیں ، پھر بھی لوگ ان پر مجھے گھومتے پھرتے نظر آئے، اگر وقت پر انہیں ٹھیک نہیں کیا گیا تو کبھی بھی کوئی بہت بڑا ناخوشگوار واقعہ رونما ہو سکتا ہے۔ آئے دن ہمیں خودکش کی خبریں ذرایع ابلاغ سے معلوم ہوتی رہتی ہے، دیدہ زیب اور پُر کشش تصاویر اور اچھی selfie اُٹھانے کے غرض سے بھی بہت سے حادثات رونُما ہوتے رہتے ہیں، ڈپارٹمنٹ کو چاہئے کہ ایسے مقامات جہاں پر ایسے حادثات رونُما ہونے کے امکانات زیادہ ہیں وہاں پر پابندیاں عائد کرے تاکہ آہربل جیسے واقعات پھر سے رونما نہ ہوں، کشمیر کی معشیت میں سیاحت ایک اہم کردار ادا کرتا ہے، ٹورزم ڈپارٹمنٹ کو ان صحت افزاء ، و سیاحتی مقام کو تقویت بخشنے کے لئے زمینی سطح پر ابھی بہت کچھ کرنا باقی ہے اور اب تک جتنا کیا بھی ہے وہ تسلی بخش نہیں۔
ہم پرورش لوح و قلم کرتے رہیں گے
جو دل پہ گزرتی ہے رقم کرتے رہیں گے
فیض احمد فیض
ساکنہ پاندریٹھن سرینگر حال اومپورہ ہاؤسنگ کالونی
9205000010
