سکولوں کے اوقات کار میں یکم نومبر سے تبدیلی کے احکامات

 سرینگر// محکمہ تعلیم نے وادی کے تعلیمی اداروں کے اوقات کار میں یکم نومبر سے تبدیلی کے احکامات صادر کئے ہیں۔ڈائریکٹوریٹ آفس کی طرف سے جاری کئے گئے حکمنامے میں کہا گیا ہے کہ سرینگر میونسپل حدود کے اندر تمام سرکاری اور تسلیم شدہ غیر سرکاری تعلیمی اداروں کے اوقات کار صبح10بجے سے سہ پہر3بجے تک مقرر کئے گئے ہیں۔سرینگر میونسپل حدود سے باہر تمام تعلیمی اداروں میں درس و تدریس کا کام صبح10 بجکر30منٹ سے3بجکر30منٹ تک جاری رہے گا۔تمام اسکولوں کو حکمنامے پر سختی سے عمل کرنے کی ہدایت دی گئی ہے۔