سرینگر // سٹیٹ کرکٹ اکیڈمی کے زیر اہتمام جمعہ کو وادی کے 6اضلاع میں 8ٹوئنٹی 20میچ کھیلے گئے۔شوپیاں ضلع میں کھیلے گئے میچ کے میں اہربل کنگس نے ہلال کرکٹ کلب ٹکرو کو شکست دی ۔اہر بل کنگس نے ہلال کرکٹ کلب کو منظور احمد کے تین وکٹوں کی بدولت 132کے قلیل سکور پر ڈھیر کر دیاجبکہ اہربل کنگس نے ہدف کو باآسانی مکمل کر کے یہ میچ اپنے نام کر کے اپنی پیش قدمی جاری رکھی۔ سرینگر میں کھیلے کے ایک میچ کے میں ایف سی سی نواکدل نے رینہ واری لائنز کو 59رن سے شکست دی ۔آیف سی سی نواکدل نے پانچ وکٹ کھو کر 20اوور میں 198رن بنائے جبکہ رینہ واری لائنز کی ٹیم نے جواب میں صرف 139پر ڈھیر ہو گئی۔ وسطی کشمیر کے بڈگام میں کھیلے گئے میچ کے دوران سوزیٹھ کرکٹ کلب نے آر سی سی کو 2وکٹوں سے شکست دی۔آر سی سی نے پہلے بلے بازی کرتے ہوئے مقرر 20اوور میں 4وکٹوں کے نقصان پر صرف 127رن بنا ئے جبکہ جواب میں سوزیٹھ کی ٹیم نے آٹھ وکٹوں کے نقصان پر ہدف کا کامیاب تعاقف کیا۔ شمالی کشمیر کے بانڈی پورہ ضلع میں بی سی سی بلیوز نے جہانگیر ایسوسی ایشن کو 40رن سے شکست دی ۔ پہلے بلے بازی کرتے ہوئے بی سی سی بلیوز نے مقررہ 20اوور میں 9وکٹوں کے نقصان پر 134رن سکور کئے اور گیندبازی سے بہترین کھیل کا مظاہرہ کرتے ہوئے جہانگیر ایسوسی ایشن کو 94رن پر ڈھیر کر دیا ۔محمد عامر نے جیتنے والی ٹیم کیلئے 2وکٹ حاصل کئے اور ساتھ میں 36رن بھی بنائے جنہیں مین آف دی میچ قرار دیا گیا ۔
سٹیٹ کرکٹ اکیڈمی ٹوئنٹی20چمپئن
