سرینگر//سرینگر کے ٹی آر سی میدان میں جاری سٹیٹ فٹبال لیگ کے سُپرا ور پریمئر ڈویژن کے چار میچ منعقد ہوئے جنہیں دیکھ کر ہزاروں تماشائی لطف اندوز ہوئے ۔اتوار کے پہلے سُپر ڈویژن میچ میں جموں و کشمیر بینک اکیڈمی نے جہلم سپورٹس کو صفر کے مقابلے دو گولوں سے شکست دیدی۔ بینک ٹیم کے لگاتار حملوں کی وجہ سے جہلم کی دفاعی لائن ہر وقت دباؤ میں رہی۔ فرحان پٹھان اور عطیب شفیع نے بینک ٹیم کی جانب سے گول داغے۔ٹورنامنٹ کے دوسرے سُپر ڈویژں میچ میں لون سٹار بلیو نے رئیل کشمیر کو ایک کانٹے دار مقابلے میں دو کے مقابلے تین گولوں سے شکست دیدی۔ نائش نے رئیل کشمیر کی طرف سے کھیل کے تیسرے منٹ میں پہلا گول اور اسکے پانچ منٹ بعد نومان نے دوسرا گول داغا۔ ابھی کھیل کے دس منٹ بھی نہیں ہوئے تھے کہ لون سٹار کی ٹیم دو گولوں کے خسارے میں چلی گئی۔ کھیل کے 23 ویں منٹ میں مومن نے لون سٹار کی جانب سے جوابی گول داغ کر ایک گول کو واپس اُتارا۔ پہلے ہاف تک رئیل کشمیر کی ٹیم 2-1 سے آگے تھی۔ دوسرے ہاف میں لون سٹار کی ٹیم اپنے پورے جوش میں آگئی اور کھیل کے48 ویں منٹ اور 59 منٹ میں دو اور گول سکور کئے۔ کھیل ختم ہونے پر لون سٹار کی ٹیم خسارے سے نکل کر بر تری پر آگئی اور 3-2 سے میچ جیت لیا۔اسی میدان پر لون سٹار کے ایف سی اور مہاراجہ سپورٹس کے درمیان میچ بغیر کسی گول کے ڈرا ہوا۔ مہاراجہ سپورٹس کے فیروز احمد کو میچ کا بہترین کھلاڑی قرار دیا گیا۔ دوسرے پریمئر ڈویژن میچ میں رئیل کشمیر ایف سی نے فوڈ اینڈ سپلائز کو صفر کے مقابلے پانچ گولوں سے مات دیدی۔ رئیل کشمیر کی طرف سے شاہد نے پہلا گول داغ کر سکورنگ کا آگاز کیا۔ اسرار نے 38 ویں منٹ میں دوسرا اور اپنی ٹیم کو 2-0 سے آگے کردیا۔ اسرار نے اپنا دوسرا اور ٹیم کا پانچواں گول داغ کر اپنی فتح کو یقینی بنایا۔
سٹیٹ فٹبال لیگ:جے کے بینک اکیڈمی،
