غلام محمد
سوپور// علیحدگی پسندکے ماحولیاتی نظام کو ختم کرنے کی مسلسل کوششوں کے تحت، پولیس نے سوپور میں ایک ممنوعہ گروپ کے ایک رکن کی رہائش گاہ پر تلاشی مہم چلائی۔پولیس نے بتایا کہ سوپور کے بادام باغ کے رہنے والے عابد نبی کاچرو کے گھر کی تلاشی لی گئی جو کہ 2024 کی ایف آئی آر کے سلسلے میں غیر قانونی سرگرمیاں(روک تھام)ایکٹ کی دفعہ 10 اور 13 کے تحت درج کی گئی تھی کیونکہ اس کے ممنوعہ تنظیم مسلم لیگ سے روابط تھے۔پولیس نے بتایا کہ تلاشی کے دوران کالعدم تنظیم سے متعلق مجرمانہ مواد برآمد اور ضبط کیا گیا، جو تمام قانونی پروٹوکول کے بعد مجسٹریٹس اور آزاد گواہوں کی موجودگی میں کیا گیا۔انہوں نے کہا کہ یہ کارروائی سوپور پولیس کی وسیع تر مہم کا حصہ ہے تاکہ علیحدگی پسندی کو فروغ دینے یا قومی سلامتی اور امن عامہ کے لیے نقصاندہ سرگرمیوں میں ملوث افراد کی شناخت اور ان کے خلاف قانونی کارروائی کی جائے۔
