سرینگر//شمالی کشمیر میں ضلع بارہمولہ کے سوپور علاقے میں سنیچر کو جنگجوﺅں نے سیکورٹی فورسز پر حملہ کیا جس کے نتیجے میں 2 سی آر پی ایف اہلکارہلاک جبکہ ایک زخمی ہوگیا۔
خبر رساں ایجنسی جی این ایس کے مطابق جنگجوﺅں نے سی آر پی ایف اور پولیس کی مشترکہ پارٹی کو نورباغ میں احد بب کراسنگ کے نزدیک حملے کا نشانہ بنا یا جس کے نتیجے میں تین سی آر پی ایف اہلکار زخمی ہوگئے۔زخمی اہلکاروں کو نزدیکی سب ضلع اسپتال پہنچایا گیا جہاں دو زخمی سی آر پی ایف اہلکاروں کو مردہ قرار دیا گیا۔
خبر رساں ایجنسی نے جموں کشمیرپولیس کے سربراہ دلباغ سنگھ کا حوالہ دیتے ہوئے لکھا” جنگجوﺅں کے اس حملے میں دو سی آر ایف اہلکار ہلاک ہوگئے جبکہ سی آر پی ایف کا ڈرائیور زخمی ہوگیا“۔انہوں نے کہا کہ جنگجوﺅں نے فورسز کی ایک گاڑی کو حملے کا نشانہ بنایا۔
حملے کے فوراً بعد سیکورٹی فورسز نے علاقے کو محاصرے میں لیکر تلاشی آپریشن کا آغاز کیا۔