عشرت حسین بٹ
پونچھ//قانونی نظام کو برقرار رکھنے کے لئے ایک مضبوط قدم اٹھاتے ہوئے پونچھ پولیس نے ایک شرپسند، اعجاز احمد ولد محمد بشیر شیخ سکنہ گائوں سلیاں، تحصیل سرنکوٹ، ضلع پونچھ کے خلاف کارروائی کی، جو سوشل میڈیا پلیٹ فارمز کے غلط استعمال کے ذریعے معاشرتی ہم آہنگی اور امن کو خراب کرنے کی کوشش کر رہا تھا۔ علاقے میں قانون و امن کی فضا کو قائم رکھنے کے لئے اعجاز احمد کو احتیاطی حراست میں لے کر عدالتی ریمانڈ پر بھیج دیا گیا ہے۔ یہ بروقت اقدام پونچھ پولیس کے عوامی سلامتی اور سیکورٹی کے عزم کو ظاہر کرتا ہے۔یہ کارروائی اس بات کی واضح مثال ہے کہ ضلع پولیس پونچھ معاشرتی ہم آہنگی، عوامی نظم اور شہریوں کی حفاظت کے لییپْزعز م ہے ۔پولیس نے کہا ہے کہ پونچھ ضلع کی عوام الناس سے گزارش ہے کہ وہ سوشل میڈیا کا استعمال انتہائی ذمہ داری سے کریں اور کسی بھی قسم کے غلط استعمال کی اطلاع قریبی پولیس اسٹیشن کو دیں۔ انہوں نے کہا کہ پولیس تمام سوشل میڈیا پلیٹ فارمز کی نگرانی کی جا رہی ہے اور پونچھ پولیس ایسے کسی بھی عناصر کے خلاف سخت کارروائی کرنے کے لئے پرعزم ہے جو علاقے کے امن کو متاثر کرنے کی کوشش کریں۔
