سنگلدان میں پولیس اور انتظامیہ کی مارکیٹ چیکنگ

گول//سنگلدان میں انتظامیہ اور پولیس نے ایک مشترکہ کاروائی کے دوران بازار کی چیکنگ کی اس دوران انہوں نے دکانداروں اور راہگیروں کو ہدایت دی کہ وہ کوڈ19کے ایس او پیز کا خاص خیال رکھیں ۔ بازار میں بھیڑ بھاڑ زیادہ نہ ہونے دیں ، ماسک کے بغیر کوئی گاہک اور کوئی دکاندار نہ رہیں اور سماجی دوریاں بھی بنا کر رکھیں ۔ ضلع انتظامیہ رام بن ، و سب ڈویژن گول کی انتظامیہ کی ہدایت پر آج سنگلدان میں ایس ڈی پی او گول پردیپ کمار ، نائب تحصیلدار سنگلدان نذیر احمد مغل ،کے علاوہ سب انسپکٹر سنگلدان نے ایک مہم کا آغاز کیا ۔ انہوں نے سنگلدان بازار کا دورہ کیا جس دوران انہوں نے لوگوں کو ہدایت دی کہ وہ ماسک پہن کر رکھیں اور سماجی دوریوں کو بر قرار رکھیں ۔ انہوں نے کہا کہ یہ مہلک وباءاگر چہ کم ہوئی ہے لیکن ابھی ختم نہیں ہوئی ہے اس وباءکو ختم کرنے کے لئے ہر ایک کو اپنی اپنی ذمہ داری نبھانی ہے تا ہم اس مہلک وباءکے خلاف جنگ میں ہم جیت جائیں ۔اس دوران انہوں نے کوڈ19کی خلاف ورزی کرنے والوں کو چالان کیا اور ہدایت دی کہ ایس اوپیز کا خاص رکھیں ۔