نئی دہلی// دہلی کی ایک عدالت نے بدھ کے روز کانگریس لیڈر ششی تھرور کو ان کی اہلیہ سننداپشکر کی موت کے معاملے میں تمام الزامات سے بری کردیا ۔
خصوصی جج گیتانجلی گوئل نے تھرور کو ان الزامات سے بری کرتے ہوئے بانڈ بھرنے کی بھی ہدایت دی۔
واضح رہے کہ پشکر 17 جنوری 2014 کی رات قومی دارالحکومت دہلی کے دی لیلا ہوٹل میں مردہ پائی گئی تھیں۔ اس سلسلے میں دہلی پولیس نے تھرور کے خلاف تعزیرات ہند کی دفعات 498 اے اور 306 (خودکشی پر اکسانے) کے تحت مقدمہ درج کیا تھا۔
دہلی پولیس نے سال 2019 میں تھرور پر پشکر کو خودکشی پر اکسانے کے لیے قتل کے الزام میں مقدمہ چلانے کی اجازت مانگی تھی۔
خصوصی جج گوئل نے آج ورچوئل طریقے سے سماعت کے دوران تھرور کو بری کرنے کا فیصلہ سنایا۔
