عظمیٰ نیوز سروس
سرینگر// وزیر اعلیٰ عمر عبداللہ نے جمعرات کو کہا کہ مرکز کے زیر انتظام علاقے میں ان ترقیاتی منصوبوں کو دوبارہ شروع کرنے پر بات چیت کی جا رہی ہے جو سندھ آبی معاہدے کی وجہ سے رک گئے تھے۔پہلگام دہشت گردانہ حملے کے تناظر میں معاہدہ منسوخ ہونے کے ساتھ، عبداللہ نے کہا کہ دو پروجیکٹ ہیں، ایک کشمیر میں اور دوسرا جموں میں،جن پر کام جلد شروع ہوسکتا ہے۔عبداللہ نے یہاں یہ پوچھے جانے پر کہا کہ کیا حکومت سند طاس معاہدہکے التوا کا فائدہ اٹھائے گی،کہا”انڈس واٹر ٹریٹی کی معطلی کے بعد، ہمارے پاس دو پروجیکٹ ہیں جن پر کام جلد شروع ہوسکتا ہے، ایک کشمیر میں اور دوسرا جموں میں۔ اب، دونوں پروجیکٹوں کے حوالے سے مرکزی حکومت کے ساتھ بات چیت چل رہی ہے،” ۔وزیر اعلی یہاں ایس کے آئی سی سی میں مرکزی پاور، ہائوسنگ اور شہری امور کے وزیر منوہر لال کھٹر کے ساتھ میٹنگ کے بعد نامہ نگاروں سے بات کر رہے تھے۔پچھلے مہینے، عبداللہ نے وولر جھیل پر تلبل نیویگیشن پروجیکٹ کے احیا کے وکالت کی تھی۔تلبل نیویگیشن بیراج پر کام 1980 کی دہائی کے اوائل میں شروع کیا گیا تھا، لیکن سندھ واٹر ٹریٹی (IWT) کا حوالہ دیتے ہوئے پاکستان کے دبا ئوپر اسے ترک کرنا پڑا۔جائزہ میٹنگ میں، عبداللہ نے کہا کہ یہ وزارت پاور اور ہائوسنگ اور شہری امور کی وزارت کے تحت مرکزی اسپانسر شدہ منصوبوں اور سکیموں سے متعلق ہے ۔انہوں نے کہا”مجموعی طور پر، دونوں شعبوں میں پیشرفت کافی حد تک تسلی بخش رہی ہے، ہم نے ان شعبوں پر بھی تبادلہ خیال کیا ،جہاں ہمیں مرکز سے توقعات ہیں،کچھ جگہوں پر، معمولی کوتاہیاں تھیں، اور ہمیں ان کو درست کرنے کے بارے میں تجاویز موصول ہوئی ہیں، ہم ان پر عمل درآمد کریں گے،” ۔ پاور ڈپارٹمنٹ کو خسارے کا سامنا کرنے والے ایک سوال کے جواب میں، وزیر اعلیٰ نے کہا کہ یہ اب بھی مقروض ہے کیونکہ حکومت جس قیمت پر بجلی خریدتی ہے اور سپلائی کرتی ہے اس میں فرق ہے۔انہوں نے کہا کہ ہم سب کو رعایتی بنیادوں پر بجلی فراہم کر رہے ہیں، گھریلو صارف ہو یا تجارتی صارف یا صنعتی صارف، ہر کوئی رعایتی نرخوں پر بجلی لیتا ہے، لیکن یہ آہستہ آہستہ بہتر ہو جائے گا۔
