عازم جان
بانڈی پورہ//سمبل میں گیارہ برس سے پل تشنۂ تکمیل ہے جس کی وجہ سے لوگوں کونقل و حمل میں مشکلات کا سامنا ہے۔مقامی باشندوںکے مطابق سمبل میں دریائے جہلم پر پرانا پل ناقابل آمدورفت ہونے کے بعد حکومت نے 2014 میں اس کی تعمیر نو کیلئے سنگ بنیاد رکھا گیا تاہم ایک دہائی سے زیادہ عرصہ گزر نے کے باوجود بھی پل تعمیرنہیں ہوسکا ۔پل پر کام ادھورا چھوڑا گیا ہے جس کی وجہ سے مقامی آبادی کو مختلف مسائل کا سامنا کرنا پڑ رہا ہے۔یہ پل ننی نارہ سمبل، نسبل ، صفاپورہ اور عشم سمیت کئی علاقوں کو جوڑتا تھا اور اب انہیں روزانہ سمبل بازار تک پہنچنے کیلئے 2 کلو میٹر کا سفر طے کرنا پڑ تا ہے تب جاکر وہ اپنی اپنی منزلوں کی طرف چل پڑتے ہیں۔ایک مقامی رہائشی نے بتایا کہ ابتداء میں کام اچھی طرح چل رہا تھا بلکہ دو ستون بھی تعمیر کیے گئے لیکن پھر اچانک کام رک گیا اورتعمیراتی ایجنسی غائب ہوگئی۔ لوگوں نے ضلع انتظامیہ بانڈی پورہ سے اس سلسلے میں مداخلت کی اپیل کی۔
