سشما سوراج کا بلغاریہ کی وزیر خارجہ سے باہمی معاملات پر تبادلہ خیال

صوفیہ// وزیر خارجہ سشما سوراج نے ہفتہ کو بلغاریہ کے دارالحکومت صوفیہ میں بلغاریہ کی نائب وزیر اعظم اور وزیر خارجہ ایکاٹیرنا ذخاریوا کے ساتھ ملاقات کی اور معیشت، زراعت اور صحت جیسے دوطرفہ اور باہمی اہمیت کے ایشوز پر بات چیت کی۔وزارت خارجہ کے ترجمان رویش کمار نے ٹویٹ کر کے اس بارے میں اطلاع دی۔ مسٹر کمار نے ٹوئٹ کیا،‘‘تعلقات کو توسیع دیتے ہوئے وزیر خارجہ سشما سوراج نے بلغاریہ کی نائب وزیر اعظم اور وزیر خارجہ ایکاٹیرنا ذخاریوا کے ساتھ بامعنی میٹنگ کی۔میٹنگ میں دو طرفہ اہمیت کے موضوعات معیشت،زراعت، صحت اور فارما، آئی ٹی، سیاحت اور ثقافت جیسے ایشوز پر بات چیت کی گئی’’۔مسٹر کمارنے ایک اور ٹویٹ میں کہا‘‘بلغاریہ کی وزیر خارجہ نے صوفیہ میں نمائندے سطح کے مذاکرات سے پہلے ہندوستانی وزیر خارجہ سشما سوراج کا خیر مقدم کیا۔انہوں نے کہا کہ‘‘ دونوں ممالک قدرتی طور پر پارٹنر ہے اور آٹھویں صدی سے چلے آ رہے ثقافتی اور تاریخی تعلقات اس کی بنیاد ہیں۔مسز سوراج بلغاریہ کے دو روزہ دورے پر ہیں۔ وہ ہفتہ کو ہی تین ممالک کے دورے کے پہلے مرحلہ میں بلغاریہ پہنچی تھیں۔ مسز سوراج اتوار کو تین ممالک کے دورے کے دوسرے مرحلہ کے لئے مراکش پھنچیں گی۔ مسز سوراج بلغاریہ کا دورہ کرنے والی ملک کی پہلی وزیر خارجہ ہیں۔ وزیر خارجہ 17-18 فروری کومراکش کا دورہ کریں گی اور اس کے بعد اسپین کے لئے روانہ ہو جائیں گی. وہ 18-19 فروری کو اسپین کا دورہ کریں گی اور 19 فروری کو نئی دہلی کے لئے روانہ ہو جائیں گی۔ مسز سوراج سے پہلے صدر رام ناتھ کووند نے بھی ستمبر میں بلغاریہ کا دورہ کیا تھا۔یو این آئی