بلال فرقانی
سرینگر//و یسٹرن ڈیجیٹل نے ہندوستان میں اپنے ایوارڈ یافتہ ’سین ڈسک‘برانڈ سے موبائل کی پین ڈرائیو‘ کی ایک تازہ ترین رینج لانچ کی ہے، جو صارفین کی ضروریات کو پورا کرنے کیلئے ڈیزائن کیا گیا ہے۔ ڈیجیٹل تجربات کی دنیا میں، مزید جگہ کی ضرورت مسلسل رہتی ہے۔ویسٹرن ڈیجیٹل میں انڈیا کیلئے کمپنی کے سینئر ڈائریکٹر سیلز خالد وانی نے کہا’’اسمارٹ فونوں نے تقریباً ہر فرد کو مواد تخلیق کرنے والے میں تبدیل کر دیا ہے۔ پھر بھی جیسے جیسے تخلیق اور استعمال کیلئے ہماری ضرورت بڑھتی ہے، ویسے ہی ہموار سٹوریج کے حل کی ضرورت بھی بڑھتی ہے‘‘ ۔انہوں نے کہا’’ویسٹرن ڈیجیٹل پر ہم قابل اعتماد، استعمال میں آسان اور بجلی کی تیز رفتار اسٹوریج کے حل کے ساتھ صارفین کو بااختیار بنانے کیلئے وقف ہیں‘‘۔انہوں نے مزید کہا’’ کشمیر میں اپنی تازہ ترین اختراع، موبائل کی پین ڈرائیو متعارف کرانے کیلئے میںپرجوش ہوں۔ یہ متحرک فلیش ڈرائیوز بڑے پیمانے پر سٹوریج کی صلاحیتوں، انتہائی تیز منتقلی کی رفتار سے بھری ہوئی ہیں اور اسمارٹ فون استعمال کرنے والے کے چلتے پھرتے طرز زندگی کیلئے ڈیزائن کی گئی ہیں‘‘۔یہ نئی پین ڈرائیو صارفین کو اور بھی زیادہ تصاویر لینے اور اسٹور کرنے پر بغیر کسی رفتار کے ان تک رسائی حاصل کرنے کی اجازت دیتی ہیں۔
