سرینگر سکولوں کے نئے اوقات کار صبح 9بجے سے 2بجے تک

بلال فرقانی

سرینگر// حکومت نے آج یعنی یکم مارچ 2023 سے سرینگر میں اسکولوں کے اوقات کار میں تبدیلی کے احکامات صادر کئے ہیں۔ڈائریکٹر اسکول ایجوکیشن کشمیرکو بھیجے گئے سرکاری مکتوب کے مطابق، انتظامی محکمہ نے سرینگر شہر میں اسکولوں کا وقت صبح 9 بجے سے دوپہر 2 بجے تک مقرر کیا ہے۔مکتوب میں کہا گیا ہے’’ یکم مارچ 2023 سے صبح 9 بجے سے دوپہر 2 بجے تک شہر کے میو نسپل حدود میں اسکولوں کے اوقات کار تبدیل کئے جارہے ہیں‘‘۔ ٹریفک پولیس سرینگر نے محکمہ سکول کو شہر کی حدود میں آنے والے سکولوں کے اوقات کو تبدیل کرنے کی سفارش کی تھی تاکہ ٹریفک کی بھیڑ کو کم کیا جا سکے۔شہر کے اطراف میں ہر جگہ تعمیراتی کام جاری ہونے کی وجہ سے سڑکوں کی خراب حالت کے پیش نظر یہ تجویز بھیجی گئی تھی۔