عظمیٰ نیوز سروس
سرینگر // ایل جی انتظامیہ نے جموں کشمیر ریکروٹمنٹ رولز میں ترمیم کر کے ہر طرح کے بھرتی عمل کو سروس لیکشن بورڈ کے تابع رکھنے کی منظوری دی ہے۔ جنرل ایڈمنسٹریشن ڈیپارٹمنٹ کی طرف سے جاری آردڑ کے مطابق جموں و کشمیر سول سروسز (ڈی سینٹرلائزیشن اینڈ ریکروٹمنٹ)ایکٹ، 2010 کے سیکشن 15 اور آئین ہند کے آرٹیکل 309 کے تحت حاصل اختیارات کا استعمال کرتے ہوئے، لیفٹیننٹ گورنر نے جموں و کشمیر سول سروسز (ڈی سینٹرلائزیشن اینڈ ریکروٹمنٹ)رولز، 2010 میںترمیم کی ہدایت کی ہے۔اس ترمیم کے مطابق اب ماتحت محکموں میں خدمات/ نان گزیٹیڈ/ کلاس فورتھ آسامیوں پر بھرتی کے لیے انتخاب کرنے کے لیے ایک سروس سلیکشن بورڈ کرے گا جو حکومت کے کسی محکمے یا سروس یا کسی پبلک سیکٹر انڈر ٹیکنگ،سرکاری کمپنی/کارپوریشن/بورڈ/ادارہ کا،جو جموں و کشمیریا مرکزی حکومت کے زیر انتظام یا زیر کنٹرول ہے،میں پیدا ہونے والی اسامیوں کو پر کرے گا۔
