عظمیٰ نیوز سروس
نئی دہلی//مرکزی وزیر داخلہ امت شاہ نے بدھ کو جموں و کشمیر، پنجاب اور راجستھان سمیت مختلف ریاستوں کے وزرائے اعلی اور دیگر متعلقہ سرکاری افسران کے ساتھ میٹنگ کی۔جموں و کشمیر، پنجاب، راجستھان، گجرات، اتراکھنڈ، اتر پردیش، بہار، سکم اور مغربی بنگال کے وزرائے اعلیٰ نے میٹنگ میں شرکت کی۔ جموں، کشمیر اور لداخ کے مرکز کے زیر انتظام علاقوں کے لیفٹیننٹ گورنر بھی موجود تھے۔وزیر داخلہ شاہ کے ساتھ میٹنگ میں مذکورہ ریاستوں کے چیف سکریٹریز اور ڈائریکٹر جنرل آف پولیس (ڈی جی پی)بھی موجود تھے۔یہ آپریشن سندور کے آغاز کے بعد ہندوستان اور پاکستان کے درمیان بڑھتی ہوئی کشیدگی کے درمیان سامنے آیا ہے، جس کے تحت پاکستان اور پاکستان کے زیر قبضہ کشمیر(پی او کے) میں دہشت گردی کے نو کیمپس پر بمباری کی گئی۔شاہ نے قبل ازیں وزیر اعلیٰ عبداللہ سے بات کی۔ مرکزی وزیر داخلہ جموں و کشمیر کے لیفٹیننٹ گورنر منوج سنہا اور بارڈر سیکورٹی فورس کے ڈائریکٹر جنرل کے ساتھ بھی مسلسل رابطے میں ہیں۔ شاہ نے ڈی جی بی ایس ایف کو ہدایت دی ہے کہ وہ سرحدی علاقوں میں رہنے والے لوگوں کے لیے تمام حفاظتی اقدامات کو یقینی بنائیں۔
