یو این آئی
بنگلور/ہندوستان کے ٹی20 کپتان سُوریہ کمار یادو نے اپنی اسپورٹس ہرنیا سرجری کے بعد بنگلور میں واقع سینٹر آف ایکسیلنس میں پہلی بار بلے بازی کی مشق کی۔ یہ سیشن گزشتہ ہفتے کے آخر میں منعقدکیا گیااور وہ اس وقت بی سی سی آئی کی میڈیکل ٹیم کی نگرانی صحت یاب ہورہے ہیں۔سَرْجری جرمنی میں ہوئی تھی۔ اگلے چند ہفتوں میں ان کا ورک لوڈ بڑھایا جائے گا تاکہ وہ میچ فٹنس کی طرف واپس آ سکیں۔ایسا خیال کیا جا رہا ہے کہ سُوریہ کمار 9 ستمبر سے یو اے ای میں شروع ہونے والے ایشیا کپ کے لیے وقت پر واپسی کر لیں گے ۔ ای ایس پی این کرک انفو کے مطابق ابتدائی منصوبہ تھا کہ انہیں اگست کے آخر میں بنگلہ دیش کے دورے پر ہونے والی ٹی20 سیریز کے لیے فٹ کیا جائے ، لیکن وہ سیریز بعد میں منسوخ کر دی گئی۔سُوریہ کمار کی آخری میچ جون میں ممبئی ٹی20 لیگ میں ٹرائیمف نائٹس ممبئی نارتھ ایسٹرن کے لیے کھیلا تھا، جہاں انہوں نے چار اننگز میں 122 رن بنائے تھے ۔ انہیں ویسٹ زون کی دلیپ ٹرافی ٹیم میں بھی شامل کیے جانے کی جارہی تھیں، لیکن امکان ہے کہ وہ اس ٹورنامنٹ میں حصہ نہیں لیں گے ۔ایشیا کپ ہندوستان کے لیے 2026 ٹی20 ورلڈ کپ کی تیاری کا ابتدائی مرحلہ ہوگا، جس کی میزبانی مشترکہ طور پر ہندوستان اور سری لنکا کرنے والے ہیں۔
