عاصف بٹ
کشتواڑ//ہرسال کی طرف امسال بھی مچیل ماتا یاترا دھوم دھام سے جاری ہے۔اتوارکی شام مچیل ماتا کی چھڑی مبارک سخت حفاظتی انتظامات کے بیچ ڈوڈہ سے کشتواڑ پہنچی۔ اس موقعہ پر ہزاروں کی تعداد میں مرد وزن، بچوں و بزرگوں نے مالی پیٹھ سے جمع ہوکر گوری شنکر مندر تک ریلی کی شکل میں چھڑی کو پہنچایا جسکےبعد گوری شنکر مندر میں پوجا پاٹھ کی گئی اور یہ سلسلہ رات بھر چلتا رہا جسکے بعد آج صبح ماتا کی چھڑی مبارک کشتواڑ سے پاڈر کی طرف روانہ ہوگی جو دوروز بعد مچیل میں ماتا کے مندر پہنچے گی۔ کشتواڑ میں ہزاروں افراد نے چھڑی کے درشن کیا جس دوران لوگوں کی جانب سے مختلف مقامات پر لنگر لگائے گئے تھے اور لوگوں میں کھانے پینے کا سامان تقسیم کررہے تھے۔امسال ابتک قریب ا یک لاکھ نوے ہزار کے قریب شردھالوئوں نے مچیل ماتا کے درشن کئے اور یہ سلسلہ بدستور جاری ہے۔ضلع انتظامیہ کشتواڑ نے یاتریوںکیلئےمکمل انتظامات کئے ہیں جبکہ پولیس کی جانب سے حفاظت کے سخت انتظامات کئے گئے ہیں ۔
