سبالینکا نے گاف پر تبصرے کیلئے معافی مانگی

یواین آئی

برلن/بیلاروس کی اسٹار ٹینس کھلاڑی آرینا سبالینکا نے فرنچ اوپن کے فائنل میں امریکی کھلاڑی کوکو گاف پر کیے گئے غیر پیشہ ورانہ تبصروں کے لیے منگل کو ایک خط لکھ کر معافی مانگ لی۔گوف نے عالمی نمبر ایک سبالینکا کواس ماہ کے شروع میں فرنچ اوپن کے فائنل میں 6-7 (5-7) 6-2 6-4 سے شکست دی تھی۔ میچ کے بعد سبالینکا نے کہا تھا کہ فائنل میچ میں یہ میری بدترین کارکردگی تھی اور گاف نے میری غلطیوں کی وجہ سے ٹائٹل جیتا۔سبالینکا نے آج کہا کہ انہیں اپنے تبصروں پر افسوس ہے ۔ انہوں نے کہا، “یہ میرے لیے بالکل بھی پیشہ ورانہ نہیں تھا۔ میں نے اپنے جذبات کو حاوی ہونے دیا۔ میں بھی ایک انسان ہوں جو اب بھی اپنی زندگی سے سیکھ رہی ہوں۔ مجھے لگتا ہے کہ ہم سب کی زندگی میں ایسے دن آتے ہیں جب ہم خود پر کنٹرول کھو دیتے ہیں۔”