یو این آئی
نئی دہلی//ساہتیہ اکادمی نے ملک کے سب سے باوقار ادبی ایوارڈز کے انتخاب کے عمل کو تبدیل کرتے ہوئے پہلی بار سال 2025 کے ‘ساہتیہ اکادمی ایوارڈ’ کیلئے مصنفین، پبلشرز اور ان کے قارئین سے کتابوں کو مدعو کیا ہے۔ساہتیہ اکادمی کے سکریٹری کے۔ سری نواسرا نے آج یہاں کہا کہ تسلیم شدہ 24 ہندوستانی زبانوں میں سالانہ دیے جانے والے ملک کے سب سے باوقار ادبی ایوارڈز کے انتخاب کے عمل میں تبدیلیاں کی گئی ہیں۔ پہلی بار ساہتیہ اکادمی نے مصنفین، پبلشرز اور خود قارئین سے کتابوں کو مدعو کیا ہے کہ وہ ان زبانوں میں سال 2025 کے لیے اپنے مرکزی ایوارڈ کے لیے کتابوں کا انتخاب کریں۔ سرینواسرا نے کہا کہ کتابیں جمع کرانے کی آخری تاریخ 28 فروری ہے۔ سال 2025 کے ایوارڈز کے لیے، سال 2019 سے 2023 ( یکم جنوری 2019 سے 31 دسمبر 2023) کے درمیان شائع ہونے والی کتابوں کی ایک کاپی درخواست فارم بھر کر غور کے لیے بھیجی جا سکتی ہے۔ اس بارے میں تفصیلی معلومات اکیڈمی کی ویب سائٹ پر موجود ہے۔
