سال بھر سبزیوں کی پیداوار | ناظم زراعت کاپلوامہ ہائی ٹیک پولی ہاؤسز کا دورہ

سرینگر//ڈائریکٹر زراعت کشمیر محمد الیاس خطیب نے کل ہاب پلوامہ میں “ہائی ٹیک پولی ہاؤسز” کا دورہ کیا۔ ان ہائی ٹیک پولی ہاؤسز کے دورے پر ڈائریکٹر زراعت نے خطے میں زرعی شعبے کی ترقی کے لیے ہائی ٹیک ٹیکنالوجی کی اہمیت کو اجاگر کیا۔ انہوں نے کہا کہ جامع زراعت کے ترقیاتی پروگرام HADP کے تحت محکمہ مختلف سبزیوں کی فصلوں کی سال بھر کاشت کے لیے ایک خصوصی منصوبے پر کام کر رہا ہے۔ انہوں نے کہا کہ ان دنوں ان ہائی ٹیک پولی ہاؤسز میں کاشت کی جانے والی سبزیاں اس سمت میں ایک ایسا ہی قدم ہے۔ ڈائریکٹر زراعت نے وادی کے سازگار زرعی موسمی حالات کا بھی تذکرہ کیا اور کسانوں سے کہا کہ وہ اپنے زرعی کاموں کو متنوع بنائیں۔ڈائریکٹر نے کسانوں سے کہا کہ محکمہ زراعت کی سرگرمیوں کو جامع طریقے سے انجام دینے میں انہیں تمام تکنیکی مدد فراہم کرے گا۔انہوں نے سیڈ ملٹی پلیکشن فارم الوپورہ کا بھی دورہ کیا۔