سرینگر//ایمپلائز جوئنٹ ایکشن کمیٹی کا ایک اجلاس صدر عبدلقیوم وانی کی صدارت میں منعقد ہوا جس میں نیشنل انفارمیشن سینٹر کی جانب سے سرکاری ملازمین کیلئے نئی شرح سود طے کرنے کیلئے درکار سوفٹ وئیر کو نہ بھیجنے کے خلاف احتجاج کیا گیا۔ عبدالقیوم وانی نے کہا کہ این آئی سی کے جموں و کشمیر یونٹ کو سافٹ وئیر فراہم نہ کرنے سے ملازمین کو زبردست نقصان ہوگا خاصکر سروس سے سبکدوش ہونے والے ملازمین کو نقصان ہوگا۔ انہوں نے کہا کہ فنڈ آرگنازیشن کو سوفٹ وئیر کی فراہمی میں تاخیر سے جی پی فنڈ حاصل کرنے والوں کو تکلیف ہوگی۔ انہوں نے کہا کہ شرح سود میں ازسرنو جائزہ لینے کی وجہ سے سبکدوش ملازمین کو سخت مشکلات درپیش ہیں جس کی وجہ سے سبکدوش ملازمین کی پنشن کیس بھی زیر التوا ء ہیں۔ عبدلقیوم وانی نے کہا کہ عبدالقیوم وانی نے این آئی سی کے جموں و کشمیر یونٹ کو سوفٹ وئیر کی فراہمی میں تاخیر کی سخت مذمت کی ہے اور وزیر خزانہ حسیب درابو ، چیف سیکریٹری بی بی ویاس ،پرائیویٹ سیکریٹری فائنانس نوین چودھری سے اپیل کی ہے کہ وہ معاملے کو حل کرنے کیلئے اقدامات کریں ورنہ ملازمین احتجاج کرنے پر مجبور ہونگے۔
سافٹ وئیر فراہم کرنے میں تاخیر نقصان دہ:قیوم وانی
