غلام نبی رینہ
کنگن//زیڈ مور ٹنل کے قریب امرناتھ یاترا قافلے کی سی آر پی ایف گاڑی سڑک پر الٹ جانے کے نتیجے میں تین سی آر پی ایف اہلکار زخمی ہوئے۔بال تل سے سرینگر آرہی امرناتھ یاترا کے قافلے میں سی آر پی ایف 44بٹالین کی گاڑی زیر نمبر HR49J-6431 زیڈ مور ٹنل کے قریب سڑک پر الٹ گئی جس کے نتیجے میں تین سی آر پی ایف اہلکار زخمی ہوگئے ، جن کو فوری طور پر علاج و معالجہ کے لئے پرائمری ہیلتھ سینٹر کلن منتقل کیا گیا ،جہاں سے ان کو مرہم پٹی لگا کر رخصت کیا گیا ۔ ہسپتال ذرائع نے بتایا کہ تینوں زخمی اہلکاروں کی حالت مستحکم ہے۔