عظمیٰ نیوزسروس
گاندربل// فیکلٹی آف فشریز، رنگیل، گاندربل نے یہاں رنگیل کیمپس میں 2024 بی ایف ایس سی پاس آؤٹ طلبہ کے لیے اپنا گریجویشن ڈے بڑے جوش اور فخر کے ساتھ منایا۔تقریب سے خطاب کرتے ہوئے، وائس چانسلر پروفیسر (ڈاکٹر) نذیر احمد گنائی نے گریجویٹس کی کاوشوں کی تعریف کی اور ان پر زور دیا کہ وہ اختراعی انداز میں سوچیں اور معاشرے میں مثبت کردار ادا کریں۔ انہوں نے شیرکشمیرزرعی یونیورسٹی کشمیر کے سفیر کے طور پر ان کے کردار پر زور دیا۔ڈپٹی کمشنر نے طلباء کو مبارکباد دی اور SKUAST-K رنگیل کیمپس کی ترقی کے لیے مکمل تعاون کا وعدہ کیا۔ انہوں نے خاص طور پر فشریز سا ئنس میں اعلیٰ ہنر پیدا کرنے میں یونیورسٹی کی مہارت کا بھی اعتراف کیا۔
