سرینگر //گورنمنٹ گرلز ہائر سکینڈری سکول کوٹھی باغ میںجموں وکشمیر ریڈ کراس سوسائٹی کا سالانہ لکی بیگ ڈرا2017 کی تقریب منعقد ہوئی جس میں 3ٹکٹوںکے خوش نصیب مالکان نقد انعامات سے نوازے گئے۔سکول میں منعقدہ تقریب میں ٹریجررجی اے قر یشی ،ڈپٹی سی ای او سرینگر مدثر کلیم کاظمی ، پر نسپل گرلزہائرسکنڈری سکو ل کو ٹھی باغ روما نہ قا ضی ، رضاکار اور طا لبات نے شرکت کی۔ڈرا کے دوران ٹکٹ نمبر 053504نے پہلی پوزیشن کے طور 20ہزار روپے حاصل کئے جبکہ ٹکٹ نمبر 0176136کو دوسر ی پوزیشن کے طو ر 15ہزار روپے اور تیسری پوزیشن پر ٹکٹ نمبر 053020 نے 10ہزار روپے حاصل کئے۔اس کے علاوہ 5,5ہزا رروپے کے مزید 4انعامات کے لئے ڈرا کے ذریعے ٹکٹوںکا انتخاب ہوا۔ مزید20 ٹکٹوںکا انتخاب2,2ہزار روپے کے انعام کے لئے عمل میں لا یا گیا۔ تقریب کی صدارت کر نے کے بعد میڈیا سے بات کر تے ہو ئے ریڈ کر اس سو سائٹی جمو ں وکشمیر کے جنر ل سیکر یٹری محمد شفیع را تھر نے کہا کہ ریڈکر اس سو سائٹی کی معاونت کر کے ہم سب میں احساس قوت پیدا ہونے کے سا تھ سا تھ غریب ، نا دار اور مصیبت زدہ لو گو ں کے لئے ایک آس پیدا ہو جا تی ہے۔انہو ں نے لو گو ں سے اپنی اپنی حیثیت کے مطابق ریڈکر اس کو مدد کر نے کی اپیل کی ۔خدمت خلق کے جذبہ کو جاری رکھتے ہوئے ریڈکر اس سو سا ئٹی کی سر گر میو ں میں طلباء اور نو جوانوں کو بڑھ چڑھ کر حصہ لینے کی اپیل کرتے ہو ئے ریڈ کر اس سو سائٹی جمو ں وکشمیر کے جنر ل سیکر یٹری محمد شفیع را تھر نے کہا ہے کہ بھونچال ، آگ ، حادثات ،سیلاب اور دیگر قدرتی آفا ت سے متا ثرہ لو گو ں کی بہبودی کے لئے کا م کر نا ہم سب کا فرض ہے اور ریڈکراس سو سا ئٹی کا بنیا دی مقصد بھی یہی ہے۔تقریب کے دوران نظامت کے فر ائض نا مور براڈکا سڑ اورریڈکرا س کے رضا کا ر فیاض احمد فیاض نے انجام دئیے ۔
ریڈکراس کا سالانہ لکی بیگ ڈرا 2017، مقررین کا سوسائٹی کومدد کرنے کی اپیل
