عظمیٰ نیوز سروس
سرینگر// ڈائریکٹر سیریکلچر اعجاز احمدبٹ نے کل بنیادی سیڈ اسٹیشن، میرگنڈ کا دورہ کیا تاکہ جاری ترقیاتی کاموں اور سیڈ اسٹیشن کے مجموعی کام کاج کا جائزہ لیا جا سکے جو ریشم کے کیڑے کے بیج اورابریشم کی پیداوار میں اہم کردار ادا کرتا ہے۔انہوں نے شہتوت کی نرسریوں، فارموں اور ریشم کے کیڑے کے بیج یونٹس کا معائنہ کیااور بیج کی پیداوار اور شہتوت کی کاشت کے عمل میں اعلیٰ معیار کو برقرار رکھنے کی اہمیت پر زور دیا تاکہ خطے میں ریشم کی پیداواری صلاحیت اور معیار کو نمایاں طور پر بڑھایا جا سکے۔ انہوں نے جاری منصوبوں کی بروقت تکمیل کے لیے عملے کو خصوصی ہدایات جاری کیں اور محکمے کے اہداف کو پورا کرنے کے لیے نئے سرے سے لگن کے ساتھ کام کرنے کی ترغیب دی۔ڈائریکٹرنے سیڈ اسٹیشن میں تعینات محمد یونس متو(سیری کلچر اسسٹنٹ)کی نوکری سے سبکدوشی پر نیک خواہشات کا اظہار کیا۔
