عظمیٰ نیوزسروس
جموں//جموں و کشمیر کے ریاسی ضلع میں ہفتہ کو ایک گاڑی کے حادثے کا شکار ہونے سے ایک شخص ہلاک اور دوسرا زخمی ہو گیا۔سرکاری ذرائع نے بتایا کہ ایک ایکو گاڑی تھرل سے شکاری کی طرف جاتے ہوئے ضلع کے مہورکے علاقے میں تقریباً 09بجے شرکی کے قریب سڑک سے پھسل کر تقریباً 200فٹ دور سڑک کے پختہ پشتے سے ٹکرا گئی۔حادثے میں ایک شخص نور جمال (36سال) ولد نور حسین سکنہ شکاری موقع پر ہی جاں بحق ہو گیا جبکہ دوسرا شخص عبدالرشید ولد غلام قاسم شدید زخمی ہو گیا جسے مقامی لوگوں اور پولیس نے فوری طور پر موقع پر پہنچ کر سی ایچ سی مہور منتقل کر دیا۔ایک پولیس عہدیدارنے حادثے میں ایک شخص کی موت کے ساتھ ساتھ ایک اور شخص کے زخمی ہونے کی تصدیق کی اور کہا کہ مقدمہ درج کر کے مزید تحقیقات شروع کر دی گئی ہے۔
