عظمیٰ نیوزسروس
جموں//دیوالی کی حقیقی روح میں، جموں و کشمیر کے ریاستی ٹیکس محکمہ کی ایک ٹیم، جس کی قیادت ایڈیشنل کمشنر انفورسمنٹ اینڈ ایڈمنسٹریشن جموں، نمرتا ڈوگرا نے کی، نے جے اینڈ کے رورل لائیولی ہوڈ مشن (امید) کے تحت سیلف ہیلپ گروپس کی طرف سے یہاں ایکسائز اور کمپلیکس میں قائم کیے گئے اسٹالز کا دورہ کیا۔افسران نے پرجوش طریقے سے خواتین کاروباریوں کے ساتھ بات چیت کی اور مقامی ہنر اور خود انحصاری کے تئیں اپنی یکجہتی اور حوصلہ افزائی کا مظاہرہ کرتے ہوئے ’دیاس، آرائشی اشیاء، موم بتیاں اور دیگر تہوار کی مصنوعات خریدیں۔اس موقع پر خطاب کرتے ہوئے نمرتا ڈوگرا نے سیلف ہیلپ گروپس کے اراکین کی تخلیقی صلاحیتوں اور عزم کی دلی تعریف کی۔ ایڈیشنل کمشنر نے کہا “یہ خواتین صرف خوبصورت مصنوعات تیار نہیں کر رہی ہیں؛ وہ اپنے خاندانوں اور برادریوں کے لیے روشن مستقبل کی تشکیل کر رہی ہیں۔اس دیوالی پر، میں ذاتی طور پر سیلف ہیلپ گروپس سے خریداری کرکے اور دوسروں کو بھی ایسا کرنے کی ترغیب دے کر ان کی حمایت جاری رکھنے کا عہد کرتا ہوں۔ مقامی کاریگر سے ہر چھوٹی خریداری بہت سے گھروں کو روشن کرتی ہے‘‘۔
